Gay ntrôl dăng lơn đŏng pah kan nsum mât njrăng, ntru lơh, rlăch ndăng, nking nchăng n'hanh nkra ngăch ăp nău tih lăp lơh bri, kêng măng ntri (28/10), ta nkual ƀon têh Kon Tum, UBND ăp n'gor Kon Tum- Quảng Nam- Quảng Ngãi ƀư tâm nchră uănh năl jêh geh tĭng ƀư nău way kan nsum mât njrăng bri nkual kâng n'har bah 3 n'gor. 

Tĭng ƀư nău way kan nsum mât njrăng bri nkual kâng n'har dơi 3 n'gor ký ton, rlău 2 năm aơ mpôl kiểm lâm 3 n'gor hŏ ƀư rlău 1.200 tơ̆ hăn rsong uănh, ntru lơh ăp mpôl ntŭng lơh si, ban saơ nchih siƀŭt rmal 98 tơ̆ nuĭh tih.  Wa Hồ Quang Bửu, Groi kruanh UBND n'gor Quảng Nam lah rjăp, tâm bah ri aơ nơh mpôl kan  dơi kan 3  n'gor hŏ geh nău tâm rgop kan nsum uĕh tâm  pah kan mât njrăng bri kâng n'har. Ta rơh tâm nchră, pe n'gor hŏ ký ton tay nău way kan nsum mât njrăng bri kâng n'har đah ăp nkô̆ na  nê̆ gay n'hao dăng mât njrăng n'hanh hun hao bri tâm let năp tay.

VOV Tây Nguyên/Nuĭh rblang: Điểu Thân