Nar ntri (5/6), ta n’gor Kon Tum ƀư âk nău kan ngăn ngăn n’hanh geh nkô̆ hôr tĭng nar ntŭk gŭ rêh lam ntŭr neh 5/6. Ta ntŭk têl ơm yău Điểm cao 1049, mpeh xã Hơ Moong, nkuâl Sa Thầy, UBND n’gor Kon Tum ƀư rơh Lễ rgŏ jă Tết tăm si mbro mbrăng nkah gĭt wa Hồ n’hanh tĭng nar ntŭk gŭ rêh lam ntŭr neh 5/6 năm 2023.

Lôch rơh Lễ rgŏ jă, ăp đại biểu râng tăm 2.500 tơm n’ho 3 lha njêng rup uĕh n’hanh mât njrăng bri dak wăr ntŭk têl ơm yău. Nău kan tăm si rgop mât  njrăng ntŭk gŭ rêh, njêng rup uĕh ta ăp ntŭk têl ơm yău n’hanh nkual pâl nđaih ndrel du rut dơi ăp nkuâl, nkual ƀon têh bah n’gor Kon Tum ƀư. Tâm năm aơ n’gor Kon Tum n’gluh geh tăm mhe 4.000ha bri n’hanh 600.000 rbăn tơm nchah nchrai. Tâm 5 năm kan Đại hội XVI Đảng bộ n’gor, Kon Tum nsrôih tăm mhe 15.000 ha bri n’hanh 3 rkeh tơm nchah nchrai./.