Jêh âk khay mô mih, n’gor Kon Tum dôl tâm rnôk bri duh nar ndrel geh nau mô tŏng dak tŏ ân tơm tăm. Tĭng nau mbơh bah ƀon lan tâm trong hoch Tà Cang, tâm yan vai trong hoch dak ta aơ hŏ soăt lah yor mô geh mât njrăng ueh. Bri duh nar mro mô êng ƀư ân ƀon lan thôn 4, xã Diên Bình, nkuăl Đăk Tô, n’gor Kon Tum mô tŏng dak tŏ ân tơm tăm ma hôm mpơl âk nau tât mô nâp tâm nau mât ndrel rgum ƀư tơm tăm tâm ntrong hoch dak aơ.

Ngăn lah, tĭng nau nkra ntŭk tŏ dak ân rlau 30 ha tơm tăm, yơn rnôk aơ dôl ma mô tŏng dak tŏ ân rhiăng ha. Rlau ma nê, jêh âk năm ƀư mô ueh, ntŭk aơ ê geh nkra nâp ơm. Ndrel ma nê rmôt kan dŏng trong n’hoch dak Tà Cang lah Công ty TNHH du ntŭk kan trong hoch dak Kon Tum yơn nau mât nkra ri lah nau kan bah N’gâng kan tuch tăm ndrel ntŭk ntu n’gor Kon Tum./.