Ntoh ngơi ta rơh tâm mâp, Kruanh Quốc hội Trần Thanh Mẫn lah na nê̆, rơh tâm mâp Nghị viện mpeh tâm kơl Pháp ngữ rơh aơ lah ngoăy tâm âk nău pah kan bâh nghị viện Pháp ngữ lôch rơh rƀŭn nchră gâl têh Paris. Quốc hội Việt Nam ŭch bâh nău kan aơ ntop ntrôl tâm kơl nău ngơi Pháp, tĭng nău ntrŭt đă, kơl an ăp nău pah kan mpeh khoa học, công nghệ, rgâl mhe, mĭn kan, ntrôl nău wăng sa rnoh mbrô, ntơm nău kan, ntrôl an tâm kơl kan nsum - êng, mbơh tơih nău ngơi Pháp, ntrôl geh ƀư âk mpeh văn hóa, n’hanh lah na nê̆ nău nsrôih bâh ăp dak ngơi nău Pháp tâm nău ƀư tĭng hun hao nâp nâl, mât đăp mpăn tâm di đah nău nsrôih hun hao, jut jăng ach o, ji ngot n’hanh mât ueh ntŭk gŭ rêh.