Gay đăp mpăn nau dơi bah nŭih dŏng, rgop nau ƀư ueh nau rlăm bum byăp VietGAP gay ma tăch tâm ăp siêu thị, ntŭk tăch têh tâm lam dak, lâm Đồng dôl ma n’hao nau kan mêt uănh, ƀư rjăp nau kan mât nau tơm bah ndơ tuch tăm tâm n’gor. Lâm Đồng rnôk aơ geh rlau 5.700 ha neh tăm tĭng nau kơp dơn VietGAP, hao bơi tât 320 ha neh kơp dơn VietGAP rđil năm e.

Tĭng wa Nguyễn Hà Lộc, Groi Giám đốc ntŭk kan tuch tăm ndrel hun hao ƀon lan n’gor Lâm Đồng, rơh rlau aơ geh nau mbơh ăp ntil bum byăp rgum tâm ngih tăch ndơ, yơn jêh nê tâl tâm dŭng, lir moh VietGAP ndrel tăch tâm ăp siêu thị bah nkual ƀon têh Hồ Chí Minh. Nau aơ khuch ngăn tât n’hâm soan, nau geh dơi bah nŭih dŏng ndrel nau rnơm bah byăp Đà Lạt-Lâm Đồng. Ntŭk kan tuch tăm bah n’gor hŏ n’hao ndrel ntrŭt dăng ăp nau kan mêt uănh, nkân njrăng n’hêl ăp nau kan tuch tăm, ê nkra, tăch rgâl ndơ tuch tăm bah VietGAP tâm n’gor, rklaih mhal ăp nau ntil ndơ VietGAP mô đăp mpăn nau nâp kloh, kah./.

VOV/Nŭih rblang: H’Thi