Bâh nău uănh nđôi, uănh năl nău nchrăp sŏk quặng bô xit ta n’gor, ntŭk kan tuch tăm mât rong n’hanh hun hao ƀon lan Lâm Đồng uănh năl geh âk rnoh neh ta neh bri. Na nê̆, tâm lĕ rnoh rlău 21 rbăn ha neh lĕ geh pă an uănh năl, sŏk dŏng quặng bô xit ta ăp nkuăl Bảo Lâm, Di Linh n’hanh nkuăl ƀon têh Bảo Lộc rĭ geh rlău 4.900 ha bri pah kan n’hanh 11ha bri mât njrăng.

Nău geh uănh kơp an saơ, nkual lĕ geh pă uănh năl sŏk dŏng quặng bô xit mbra khuch tât 4.458ha bri tâm nĕ geh 2.397ha bri hon êng. Nkre lah, rŭn in hao tât 12 doanh nghiệp manh neh, manh bri gay ma mbơh ƀư ăp nău ntuh kơl. Yor nĕ, ntŭk kan tuch tăm mât rong n’hanh hun hao ƀon lan Lâm Đồng dăn đă ntŭk kan công thương n’hanh ăp ntŭk kan geh tât dăn đă UBND n’gor Lâm Đồng uănh n’hêl, mbơh rgâl nău nchrăp sŏk dŏng quặng bô xit ta ntŭk an tâm di.