Nơm geh dŏng rêng kan mât chăm têh uĕh mhe, hŭch đêt prăk kan, nuĭh tăm rpŭng kai pă an ntŭk tăch tết năm aơ ta 2 nkuâl Đạ Tẻh n'hanh Cát Tiên bah n'gor Lâm Đồng hŏ geh âk. Tĭng wa Lê Văn Đông, Cán bộ ntrŭt nsôr tuch tăm xã An Nhơn, nkuâl Đạ Tẻh, rlău ma ăp ntil rpŭng kai way ơm, rpŭng kai dja kônh wa hôm n'glăp tăm tay ntil rpŭng kai nsok gŭr mô găr đŏng.

Aơ lah ntil rpŭng kai geh âk nuĭh ŭch sa jêng geh âk nuĭh hăn joi rvăt. Ndrel đah ntŭk tăch rgâl, nău mât chăm tĭng nău way uĕh mhe, dŏng trong tŏ hoch êng, tŏ ntruh hŏ rgop nsĭt tay wăng sa an nuĭh tăm. Nkual neh tăm rpŭng kai rgum tơm bah Lâm Đồng lah 2 nkuâl Đạ Tẻh n'hanh nkuâl Cát Tiên, đah rnoh hvi nklăp 300ha, hao rlău bar tơ̆ rđĭl đah ndrel khay dja năm e nơh. Aƀaơ nuĭh ƀon lan dôl nchrăp klêh rpŭng kai gay tăch an tết nguyên đán bơi  tât.

VOV Tây Nguyên/Nuĭh rblang: Điểu Thân