VOV4.M'nông: Nkhêp nkah ndray 92 năm Nar njêng Hội Nông dân Việt Nam, nar ntri (14/10) ta Hà Nội ƀư mpư rnê n'hanh ntăm an săk ntơ ƀon lan kan lŏ mir Việt Nam jăp blău năm 2022 an 100 nuĭh ƀon lan kan lŏ mir. Ntŭk mhe  bah rơh mpư rnê n'hanh ntăm an săk ntơ ƀon lan kan lŏ mir Việt Nam jăp blău năm 2022 lah geh 100 nuĭh dơi ntăm an săk ntơ nuĭh ƀon lan kan lŏ mir Việt Nam jăp blău rgâl bah hôm 63 nuĭh kơt ăp năm. Aơ lah nău kan ngăn ngăn mbah rhơn nkah ndray 10 năm Bôk nău kan n'hao êng săk ƀon lan kan lŏ mir Việt Nam đŏng. Aơ lah ăp nuĭh ƀon lan ntoh lư ngăch prăl tâm hun hao wăng sa;  nănh mĭn, nănh ƀư, mât dŏng geh nău tam ăp tơm ndơ, suan kan, neh ntu, nănh dŏng khoa học kỹ thuật, công nghệ mhe tâm nău kan tuch tăm ntơh măt an hang rkeh nuĭh ƀon lan kan lŏ mir lam dak dôl nar măng tuch tăm, tăch rgâl, hăn lor bôk năp tâm rnôk hun hao wăng sa tuch tăm, thôn ƀon n'hanh rdâk njêng ƀon lan mhe.

VOV.VN

Nuĭh rblang: Điểu Thân