Nău kan rong mât krŭng ta ndrung tĭng trong mât đăp mpăn sinh học dôl jêng nău ŭch hun hao ueh tâm nău kan mât rong, đah ăp nău kan ueh êng bâh nău kan kơt lah: mât uănh, njrăng dơi rnoh ntŭk tăch rgâl mbra geh nuh srê, ăp ntil ndok mbrâm, rnoh dak tâm rnôk pă an n’hanh luh dak lĕ geh ƀư ueh rnôk ndơ̆ luh bah dih mô lah nchoăn rdeng lăp ta ndrung. Nkô̆ way nkoch nar aơ nkoch mbơh an ƀon lan ăp nău njrăng nuh srê ta sŭr đah ăp trong kan mât đăp mpăn sinh học.

-Đăp mpăn sinh học: lah trong kan kĩ thuật njrăng rdâng n’hanh an bah nău ntưp rêng bâh nău bu tuh tât kon rong, kon nuĭh n’hanh ntŭk gŭ rêh. Gay ma mât đăp mpăn sinh học an geh ƀư ueh ăp nău way kan ba kơi aơ.

1. Ƀư an gŭ nkhah êng, mât njrăng.

Nkual mât rong geh ntŭk mpêr n’gar mât đăp mpăn an nkhah rong êng đah ntŭk gŭ ƀon lan, trong hăn tơm.

Nkhah êng đah ăp nkual mât rong sŭr dăm, sŭr me, sŭr kon, sŭr sa poăch n’hanh ăp ntil kon rong êng.

Mbơh nchih nău ntĭm, nău mô an tât hăn nsong, nkô̆ nău ntĭm mbơh ta ăp ntŭk mât rong. Mât njrăng lĕ rngôch nuĭh luh lăp, ta nkual mât rong.

Mât uănh ntil: rvăt bâh ăp ntŭk ƀư ntil geh tu tơm na nê̆, lĕ geh chuh n’gang vacin tŏng ăp, Ƀư an gŭ nkhah êng tĭng nău ntrŭnh (14 nar ê lor mât rong nsum).

Mât uănh ndeh klư nchoăn rdeng, ndơ dŏng, nău luh lăp ta ntŭk mât rong.

Mât uănh na nê̆ ndơ sa, dak ngêt.

-Njrăng mpô mpa bri, măch rhoăy, ngonh n’hanh ăp ntil rong êng lăp ta ndrung n’gar rong sŭr.

2. Mât kuaih kloh ueh ntŭk ntô.

- Mpêh rao, ƀư kloh ndrung n’gar, ndơ an sa, ndơ mât rong.

Ƀa ƀơ rao kloh ndrung n’gar ntŭk mât rong.

-Rao kloh, puh dak si, an sơh ndrung gar lôch tă du rơh tăch sŭr.

- Vệ sinh làm sạch, trùng, để trống chuồng sau mỗi lứa nuôi.

   3. Puh dak si

-Ƀa ƀơ puh dak si ndrung mât rong n’hanh văr ntŭk mât rong 1 pơh/1 tơ̆. Lah geh nuh srê an geh ƀư puh njrăng tĭng nău mbơh đă bâh ntŭk kan mât săm ntil rong.

-Rao puh dak si ndơ dŏng, ndeh rdeng, ndơ nsoh mât rong ê lor n’hanh lôch dŏng.

-Ndơ dŏng mât rong săm ji an geh ƀư kloh n’hanh rao ma dak si an tâm di ê lor n’hanh lôch dŏng.

-Mât đăp mpăn kloh ueh ê lor puh dak si. Dŏng dak si rao kaman an tâm di di đah rnoh, di đah mông nar.

Gay ma njrăng nău ji an sŭr: An geh ƀư tĭng nău ntrŭnh mât rong sŭr tĭng đah ăp nuĭh, ăp rơh mhe, rơh mât rong.

Ƀư tĭng an ueh ăp nău way mât rong đăp mpăn sinh học.

-Ƀư tĭng chuh n’gang an tŏng ăp ntil vacxin

Gay ma njrăng nuh srê an sŭr mât rong sŏk poăch, nău chuh vacxin n’hanh dŏng dak si an geh mbơh tơih kơt aơ.

          -Rnôk sŭr mhe tŏng 3 nar lôch deh, chuh sắt 10% 2ml/du mlâm sŭr gay ma njrăng mô tŏng mham

-Rnôk sŭr tŏng 7 nar lôch deh, chuh rơh 1 vacxin njrăng bah siăk: Res-vac; rơh 2 nkah tay rnôk sŭr tŏng 21 nar deh gay ma njrăng 5 ntil nău ji mpeh klơm soh.

-Rnôk sŭr tŏng 28 tât 32 nar deh chuh rơh 1 vác xin ji ndul djroh (HC-Vac); nkah tay rơh 2 rnôk sŭr tŏng 50 tât 54 nar deh gay ma njrăng bah ji ndul djroh sŭr.

-Rnôk sŭr geh 50-54 nar deh chuh vacxin sôt mbung plôk nchop.

Gay ma njrăng nuh srê an sŭr, nău chuh vacxin njrăng rdâng kơt aơ.

-Sŭr me yơng ntil: Chuh vacxin njrăng ji ndul djroh sŭr rnôk tŏng 6,5 khay tât 7 khay, vacxin sôt mbung plôk nchop rơh 1 rnôk tŏng 6,5 khay, rơh 2 rnôk 7 khay.

-Đah sŭr me rong kon: Chuh vacxin njrăng nuh srê lôch sŭr me deh kon bâh 12 tât 14 nar lôch deh, vacxin sôt mbung plôk nchop lôch rnôk sŭr me deh bâh 17 tât 19 nar.

-Đah sŭr dăm rĭ chuh ăp ntil vacxin ta khay 3 n’hanh khay 9 ăp năm.

Mât săm rnôk sŭr geh nuh srê: Rnôk sŭr geh ntưp nuh srê, an geh krŭng êng dâl.

Rnôk sŭr khĭt n’hanh ntưp rêng ngăch an geh mbơh dâl ntŭk kan mât săm ndơ rong ta ntŭk.

Grum donh mât kuaih kloh ndok mbrâm ndơ mât rong, săk sŭr khĭt an geh tâp su tĭng nău ntĭm bâh ntŭk kan mât săm. Mô rvăt, tăch, nchoăn rdeng, nkhĭt roch sŭr geh nuh srê, sŭr khĭt. Mô jăng sŭr khĭt ta ntŭk bah dih ntŭk rêh jêng.