Lơ 7/12, ta n’gor Lâm Đồng, ntŭk kan tâm boh hun hao nau kan tuch tăm nâp nâl ta Việt Nam, N’gâng kan tuch tăm ndrel Hun hao ƀon lan ƀư tâm nchră “Hun hao nau mpŏng tâm boh ƀư kan êng nsum tâm nau hun hao biăp play Việt Nam.

Tĭng ntŭk kan tâm boh hun hao nau kan tuch tăm nâp nâl ta Việt Nam, ntŭk tăm biăp play hŏ geh ăp nau dơi khlay tâm nau kan rgop hun hao bah nau kan tuch tăm tâm ăp năm rlau aơ. Lah kơt năm 2017, rnoh geh tăch luh bum byăp bah Việt Nam geh 3,6% rmen đôla Mỹ, geh rlau 10% rnoh geh tăch luh ndơ tui ka, si gle, knŭng kơp êng 11 khay bah năm aơ, rnoh tăch luh biăp play geh nklăp 3,1 rmen đôla Mỹ, hao 30% rđil năm e.

Tât rnôk aơ, biăp play bah Việt Nam hŏ geh tâm 10 dak têh ngăn bah lam ntur neh, tâm nê geh Trung Quốc, Mỹ, Hàn Quốc ndrel Nhật Bản. Ăp nau tâm nchră mpeh ăp nau jêr bah ntrong kan tăm, ê nkra, ntŭk tăch kŏ kơt lah nau đă mpeh ăp nau rƀŏng ndrel ntrong kan tâm nau hun hao biăp play bah Việt Nam lvang năm 2022-2025 gay nkô̆ nau rgop tâm nau kan hun hao tuch tăm ndrel ƀon lan nâp nâl lvang năm 2021-2030, rƀŏng tât năm 2050 hŏ geh Thủ tướng ân ƀư./.