Tâm 2 nar lơ 3-3/11, ta nkuăl ƀon têh Buôn Ma Thuột, n’gor Dak Lak, N’gâng kan mât tơm, N’gâng kan Tuch tăm ndrel Hun hao ƀon lan ƀư nau tâm nchră ndrel ntĭm mbơh “N’hao nau kan mêt uănh, nkân njrăng nau kan tăch rgâl ndrel dŏng dak si mât chăm tơm tăm ta Tây Nguyên” đah nau rnâng bah ntoh măt rđau kan ndrel ăp cán bộ N’gâng kan tuch tăm ndrel mât tơm tăm 5 n’gor Tây Nguyên. Tĭng nau mbơh tâm rnôk tâm nchră, lam n’gor Tây Nguyên rnôk aơ geh 3.400 ntŭk ƀư nau kan tăch rgâl dak si mât chăm tơm tăm.

Nau kan mât dak si mât chăm tơm tăm ta Tây Nguyên geh ndơn saơ lah ê nâp, nau njrăng rdâng nayu kan tăch rgâl, nchrăn rdeng, dŏng dak si mât chăm tơm tăm rvăt ntŭng, êng nroh nê ăp nkuăl hôm âk nau jêr đŏng. Tâm rơh tâm nchră, ăp ntoh măt ân lah, gay ma n’hao nau săk tam mât dak si mât chăm tơm tăm, ân geh n’hao nau tâm rgop nsum đah ăp ntŭk kan, rmôt kan, ntrŭt dăng nau nkoch trêng, mbơh, ntĭm nti ân nŭih ƀon lan ndơn saơ gay ma mô tăch rvăt ndrel dŏng dak si mât chăm tơm tăm mô dơi dŏng, mô geh moh săk tâm rnoh ân ndrel nau ntĭm nti dŏng ân ueh, nâp tam./.