Măng 2/11, Bộ Nông nghiệp n'hanh Phát triển nông thôn ntơm pơk “Festival ƀon hăr blău ti kan Việt Nam năm 2022” ta Hà Nội đah ăp nar ƀư Hội chợ ƀon hăr blău ti kan n'hanh ăp ndơ geh ƀư OCOP.

 “Festival ƀon hăr blău ti kan Việt Nam năm 2022” ntơm pơk đah 2 nău kan tơm lah: Hội chợ ƀon hăr blău ti kan n'hanh ndơ geh ƀư OCOP Việt Nam tâl 18 n'hanh Rơh tâm rlong ndơ geh ƀư thủ công mỹ nghệ năm 2022.

Đah rnoh âk 150 ndrơng ndơ, Hội chợ ƀon hăr blău ti kan n'hanh ndơ geh ƀư OCOP Việt Nam tâl 18 pla n'hơ ăp ndơ tuch tăm kah khlay n'hanh ndơ thủ công mỹ nghệ bah ăp doanh nghiệp, hợp tác xã, ntŭk ƀư njêng, tăch rgâl ndơ tuch tăm n'hanh ăp ƀon hăr blău ti kan, nkual ƀon têh hăr blău ti kan way ơm ntơm bah 22 n'gor, nkual ƀon têh. Ta Festival ƀon hăr blău ti kan Việt Nam năm 2022 hŏ ƀư nkhôm rnê Rơh tâm rlong ndơ geh ƀư thủ công mỹ nghệ năm 2022 gay mpư n'hao, rdâk tay n'hanh ntrŭt nsôr ăp nuĭh blău trah mon bah ăp ƀon hăr blău ti kan, nkual ƀon têh hăr blău ti kan, bah nê rgop tâm nău mât ndray n'hanh hun hao nău kan way ơm, ƀon hăr blău ti kan way ơm, mât ndray n'hanh mpư n'hao săk tơm văn hoá rnoi nuĭh.

VOV/Nuĭh rblang: Điểu Thân