Kêng măng 2/12, ta nkuăl ƀon têh Kon Tum, Ntŭk kan ntrŭt nsor nau kan tuch tăm neh dak tâm rgop nsum đah N’gâng kan tuch tăm ndrel Hun hao ƀon lan n’gor Kon Tum ƀư tâm nchră đah nkô̆ “Tâm nchră nau tă blau nau ndâk nau kan bah ntŭk kan ntrŭt nsor tuch tăm nsum mpôl ta Kon Tum”. Râng nar tâm nchră geh ăp nŭih blau nau kan, nŭih mât kan, ntoh măt bah ăp n’gâng kan ndrel ntŭk kan ntrŭt nsôr nau kan tuch tăm pah kan săk tam.

Tâm nar tâm nchră ăp ntoh măt bah 2 n’gor Gia Lai ndrel KonTum hŏ ndrel tâm nchră mpeh nau kan, nau dơi bah ntŭk kan ntrŭt nsor nau kan tuch tăm nsum. Rgop nau đah ăp nau kan ngăn bah ntŭk kan ntrŭt nsor tuch tăm, kơt: Mbơh nau, jao nau pah kan mhe ân ƀon lan kơl an nau hun hao tuch tăm; ăp nau kan kơl an, mbơh nau gay ma hun hao nau tâm boh tuch tăm nsum; Ăp nau kan kơl an, mbơh nau ân rnăk ƀon lan, ntŭk tâm boh nau kan, nau tâm rgop nsum đah ăp nau kan tuch tăm cà phê ndrel ăp nau mbơh, ntĭm ntrơn rgâl mrô tam nau kan tuch tăm./.