Cà phê lah ngoăy tâm âk tơm tăm tơm khlăy bâh n’gor Lâm Đồng, đah rnoh neh rlău 170 rbăn ha, rgum dŭt âk ta ăp nkuăl Lâm Hà, Di Linh, Đức Trọng n’hanh Bảo Lâm.

Gay ma mât đăp mpăn nsĭt tay săk rnglăy pah kan jan sa, ƀon lan kan lŏ mir n’hanh n’gâng kan ta ntŭk dôl mbơh tơih ăp trong kan njrăng rdâng duh phang. Tĭng wa Vũ Bá Yêu, groi kruanh ntŭk kan tuch tăm mât rong n’hanh hun hao ƀon lan nkuăl Lâm Hà, trôk nar ta ntŭk ntơm geh kro phang , duh n’heng, mbơh lor nău duh phang dôl tât dăch jêng nău kan njrăng rdâng lơ ma geh ntrôl ngăch. Nkuăl lĕ ntĭm đă mât pă ueh rnoh dak tŏ, nkrem dak tŏ ta ăp dak bât, dak nglău, dak diăng ta ntŭk gay ma đăp mpăn tŏng dak tŏ an lĕ rngôch tơm tăm.