Bah năm 2017 tât aƀaơ, viện Wasi n’hanh Công ty cổ phần phân poh Bình Điền lĕ ƀư geh 23 mĭn njêng, khảo nhiệm n’hanh 28 ntrong kan ƀư tăm nâp nâl, phân poh, an 5 ntil tơm tăm khlay bah Tây Nguyên lah: cà phê, tiêu, sầu riêng, bơ, tơm biăp n’hanh mbo. Tă bah ăp ntrong ƀư, nuĭh ƀon lan lĕ dơi gĭt trong ƀư, trong tuch tăm lŏ mir ntêm nkrem n’hanh uĕh đah ntŭk ntô. Tă bah nĕ, rgop n’hao săk rnglăy wăng sa, rgâl mhe mĭn njêng n’hanh jao an jêh mĭn njêng bah viện Wasi tât ƀon lan.

Công ty cổ phần phân poh Bình Điền, Viện khoa học kỹ thuật Nông lâm nghiêp Tây Nguyên, Ntŭk ntrŭt nsôr pah kan lŏ mir ngih dak tâm rgop kan ndrel tăm cà phê uĕh mhe ta nkual Tây Nguyên.

Ta rƀŭn nchră, Viện Wasi, Công ty cổ phần phân poh Bình Điền, Ntŭk ntrŭt nsôr pah kan lŏ mir ngih dak lĕ ký ton kan ndrel hun hao bôk nău kan “Tăm cà phê uĕh mhe tâm di đah rgâl trôk nar ta nkual Tây Nguyên” tât năm 2025. Nău rƀŏng lah mbra dơi geh đêt ngăn 1.000 nuĭh ƀon lan/ta du n’gor Tây Nguyên mpeh nău nkra njêng cà phê nâp nâl; ndâk ƀư trong tăm cà phê uĕh mhe kơt dŏng an tĭng n’gor; Mĭn njêng hun hao công thức phân poh tâm di đah neh, rgop nkra njêng cà phê nâp nâl, n’hao khlay, n’hao nău geh an nuĭh ƀon lan n’hanh doanh nghiệp cà phê.