N’gâng kan mât rong aƀaơ geh tât 25,2% tâm lĕ rnoh khlăy bâh n’gâng kan tuch tăm. Tâm ăp năm ba năp, n’gâng kan mât rong Việt Nam geh âk njoat hăn khlăy hao mpeh nău geh n’hanh nău âk ntơm njêng an n’gâng kan mât rong tăch rgâl hun hao đah nău tât râng kan bâh âk doanh nghiệp têh, bôk năp njêng ăp rnoh tâm rgop tâm nău pah kan jan sa n’hanh tăch ngluh an dak bah dih ndơ mât rong.

Wa Nguyễn Thanh Sơn, kruanh Ntŭk kan mât rong kik djăr Việt Nam an lah, an geh uănh n’hêl tay nău tâm rgop kan đah ntŭk kan mât uănh ngih dak đah ăp ntŭk kan ndrel gay ma doh rklaih ăp nău jêr jŏt, dăn đă ăp nău kan mpŏng tât rdâk njêng n’gâng kan tâm nău mât rong rnoh khlăy ndơ mât rong, uănh khlăy hun hao nău ueh ndơ mât rong. Ăp ding geh tât an tâm gŭ ndrel ăp khay, nchih rgum nău kan gay ma kơl an doanh nghiệp ngăch doh rklaih jêr jŏt, geh njoat ntrôl ăp n’gâng kan tâm nău mât rong an hun hao lơn.