Gay ma hun hao rnoh mbo n’hanh bum, tâm ba năp nơh Tập đoàn De Heus bâh Hà Lan lĕ uănh nđôi ta nkual tơm ta 3 n’gor ta nkual Tây Nguyên geh: Dak Lak, Gia Lai, Kon Tum.

Bâh nău uănh năl an saơ, mbo n’hanh bum hôm nha geh âk rơh nkhêp gay ma ƀư n’hao nău mât rong rnôk tât râng nău pah kan ƀư ndơ sa an mât rong, bah ir geh nău tât mô tŏng ndơ sa bâh rvăt bah dih. Wa Nguyễn Như Cường, kruanh n’gâng kan tuch tăm an lah. Tây Nguyên lah nkual dŭt dơh gay ma hun hao tăm du đê̆ tơm ƀư ndơ sa ueh nđir kơt lah: mbo, bum. Gay ma dơi tâm rlong đah ăp ntil tơm tăm êng ta nkual aơ an mhâm ƀư gay ma n’hao săk rnglăy nău wăng sa. Ŭch geh rdâk njêng nkual mât tăm têh an tâm di đah nău kan công nghiệp an geh rdâk njêng nău tâm rgop đah ƀon lan kan lŏ mir, htx bâh nĕ tâm rgop đah doanh nghiệp nkret njêng n’hanh tăch ndơ geh ƀư.