"Rgâl mbrô tâm trong kan tuch tăm mât rong geh nău rgâl dăng tay ma nău ƀư jêng ngăn ngăn ăp Đề án, trong nchrăp rgâl mbrô bah Bộ Nông nghiệp n'hanh Phát triển nông thôn n'hanh ăp n'gor" lah nău năl lah ta rơh hop Ƀan rđău đă rgâl mbrô tâm trong kan tuch tăm mât rong ƀư ôi 20/2 ta Hà Nội. Nar ƀư tă bah Bộ Nông nghiệp n'hanh Phát triển nông thôn ƀư.

Tât aƀaơ, Bộ Nông nghiệp n'hanh Phát triển nông thôn hŏ rdâk njêng n'hanh ƀư lôch jêh ntŭk mât prăp nău lư mât ndơ sa mât rong n'hanh ntŭk mât rong; ntŭk rgum prăp nău lư phăt, mât dŏng mã mbrô nkual tăm n'hanh nchrăp lễ an ƀư jâng nsing ƀoi tĭng tơm luh ndơ tuch tăm mât rong kêng dŭt năm  aơ. Lah rjăp rgâl mbrô tâm trong kan tuch tăm mât rong ngoăy tâm ăp trong kan dŭt khlay bah bôk nău kan rgâl mbrô gưl neh dak n'hanh ntŭk hôm geh lhoi tâm hun hao bah n'gâng kan hôm dŭt têh hvi, Bộ trưởng Bộ Nông nghiệp n'hanh Phát triển nông thôn Lê Minh Hoan đă ăp nuĭh kan tâm Ƀan rđău đă n'hanh cán bộ way kan gĭt êng âk, năp ăp tŏng nău gĭt blău, rƀah gĭt nău lư dăp rgum n'hanh nău ngăn geh gay ƀư lôch jêh nău kan dơi jao.