VOV4.M’nông- Ta nkuăl Krông Păk, n’gor Dak Lak mhe aơ lĕ geh ƀư rơh mbơh tơih tăch ngluh rnoh sầu riêng bôk năp tĭng Nghị định thư tâm ton kan đah n’gâng kan tuch tăm mât rong n’hanh hun hao ƀon lan Việt Nam n’hanh Tổng cục Hải quan Trung Quốc.

Nău kan pơk trong nkhêp têh an n’gâng kan sầu riêng bâh Việt Nam tăch an dak bah dih tĭng trong tơm tĭng Nghị định thư ký tâm ton kan đah n’gâng kan tuch tăm mât rong n’hanh hun hao ƀon lan Việt Nam n’hanh Tổng cục Hải quan Trung Quốc lah rlău 300 tấn geh tăm ta n’gor Dak Lak. Aơ lah ntŭk geh rnoh neh tăm sầu riêng âk tal 2 ta lam dak ba kơi Tiền Giang đah klâp ma 15 rbăn ha, rnoh geh ta năm 2022 nchroh lah 170 rbăn tấn. Wa Y Giang Gry Niê Knơng, groi kruanh UBND n’gor Dak Lak rhơn an gĭt, aƀaơ, n’gor lĕ geh Tổng cục Hải quan Trung Quốc an dŏng 4 rnoh mbrô ntŭk tâl dŭng sầu riêng n’hanh 23 rnoh mbrô nkual tăm (geh bơi du n’gul rnoh mbrô nkual tăm lam dak geh an dŏng).

Nuĭh rblang: Thị Đoắt