Nar 20/10, ta nkuăl ƀon têh Buôn Ma Thuột, n’gor Dak Lak, n’gâng kan tuch tăm mât rong hun hao ƀon lan leo ƀư “Rơh tâm mâp tuch tăm kloh nđir: Trong kan n’huch ngluh ndơ djơh n’hanh hun hao nâp nâl”.

Bôk năm aơ, Thủ tướng Chính phủ lĕ geh an dŏng “trong kan hun hao tuch tăm n’hanh nkual ƀon lan nâp nâl, lvang năm 2021-2030, mpŏng uănh tât năm 2050” lĕ geh ƀư ta khay 1/2022, đah nău ŭch “rdâk njêng n’gâng kan tuch tăm drăp ndơ, mât đăp mpăn rnă njrăng ndơ sông sa ngih dak, ntop khlăy ta trong mât đăp mpăn wăng sa- rêh jêng, mât ueh ntŭk gŭ rêh, tâm rdâng đah rgâl trôk nar mih sial. Gay ma ƀư tĭng dơi trong kan n’hanh ăp nău tâm ton lam ntur neh, n’huch ndơ djơh tâm nău pah kan geh nău kan dŭt khlăy. Ta rơh tâm nchră, geh âk nău tâm rgop mpeh nău kan kơl ntrôl tuch tăm  kloh nđir. Tâm let năp tay, nuĭh leo kan n’gâng kan tuch tăm mât rong n’hanh hun hao ƀon lan ŭch geh ăp nău kan na nê̆ ntrôl tât du n’gâng kan tuch tăm kloh nđir nkual ƀon lan ueh mhe, ƀon lan kan lŏ mir gĭt blau.

VOV Tây Nguyên/ Nuĭh rblang: Thị Đoắt