Tĭng ăp đại biểu tât râng tâm nchră, bâh 5 năm (2019-2023) Rơh tâm rlong cà phê ntoh lư Việt Nam-Việt Nam Amzing Cup lĕ njêng ăp nău ueh mhe mpeh nău pah kan jan sa bâh nuĭh ƀư cà phê, n’hao nău dơi ndơ geh ƀư, rgâl mhe rup bâh cà phê Việt Nam.

Gay ma hun hao nâp nâp, ăp đại biểu dăn đă n’gâng kan tuch tăm n’hanh hun hao ƀon lan geh dŏng rnoh kơp, nău mbơh bâh 5 tơ̆ leo ƀư tâm rlong cà phê ntoh lư Việt Nam, bâh nĕ geh nău uănh năl lĕ rngôch mpeh ăp ntŭk tăm geh giải âk, geh nău kơl an tâm di mpeh ntĭm nti, n’hao nău gĭt vât an nuĭh pah kan ƀư cà phê ntoh lư, leo ƀư tay âk nău kan tâm di ăp bôk nău kan mbơh tơih cà phê ntoh lư an Việt Nam ta ăp ntŭk tăch rgâl tâm n’hanh bah dih Việt Nam, njêng, leo kan ăp ntŭk kan ntĭm nti mpeh cà phê ta ăp nkual tuch tăm n’hanh ntŭk tăch rvăt đah rnoh thuk gay ma đă ƀon lan tâm nău kan ƀư cà phê n’hao nău gĭt blău.