Rơh tâm nchră yor n’gâng kan tuch tăm mât rong n’hanh hun hao ƀon lan, nău nchrăp kan “Mât đăp mpăn ndơ sông sa yor nău hun hao” (SAFEGRO) n’hanh Ban tuyên giáo Trung ương tâm rgop ƀư, đah nău tât râng bâh bơi tât 200 đại biểu ndơn kan an ăp ntŭk kan, n’gâng kan bâh trung ương, du đê̆ n’gor, nkuăl ƀon têh n’hanh nuĭh way kan dak bah dih.

Rơh tâm nchră ntêm âk mông nar tâm nchră mpeh nău kan nău rêh lĕ rngôch bâh nău ntĭm nti, nău way ơm, văn hóa mât đăp mpăn ndơ sông sa. ntoh ngơi ta rơh rƀŭn nchră, wa Bùi Ngọc Quý, kruanh n’gâng kan mât ntŭk rêh jêng, ban tuyên giáo trung ương an gĭt, rơh tâm nchră mbra geh ntop n’hao nău gĭt vât, nău mĭn pah kan, rgâl mhe geh nău dơi pah kan, njêng nău văn hóa mpeh mât đăp mpăn ndơ sông sa tâm nău pah kan, tăch rgâl, dŏng ndơ sông sa. Nău nchrăp mât đăp mpăn ndơ sông sa yor nău hun hao yor Chính phủ Canada kơl an, đah rnoh prăk 15 rkeh đôlar Canada.