Ta rơh tâm nchră, ăp đại biểu lĕ geh mbơh âk nău kŏ văk, mô dơi tâm nău hun hao tơm công nghiệp ta dak he aƀaơ. Ăp đại biểu lĕ an lah, gay ma hun hao tơm công nghiệp tĭng trong nâp nâl, an geh ƀư tâm ban ăp trong kan.

Bâh nău kan ƀư lôch nău nchrăp mât tăm ăp ntil tơm công nghiệp tĭng trong pah kan tăch rgâl ndrel đah nkret njêng n’hanh tăch rvăt tât nău rgâl mhe trong kan ntuh kơl, rgâl bâh ntuh kơl âk ntŭk tât nău ntuh kơl na nê̆, dŏng âk ăp trong kan mhe khoa học công nghệ, ngăn lah công nghệ mât uănh rnoh mbrô ta mir tơm. Đăp mpăn nău ntuh kơl an ăp ntil ndơ ma ăp nău ntrŭnh, nău kơl an tâm di. N’hao nău mât uănh bâh ngih dak, tâm nĕ tơm khlăy lah ntop, ƀư lôch trong kan kơl, pháp luật gay ma njêng nău mhe ta trong kơl an nuĭh pah kan, nkret njêng n’hanh tăch an ntil tơm công nghiệp. Ăp nău tâm rgop ta rơh tâm nchră aơ lah nău kan dŭt khlăy gay ma Viện qui hoạch n’hanh njêng tuch tăm ƀư lôch nău mbơh tơih njoăl an n’gâng kan tuch tăm mât rong n’hanh hun hao ƀon lan uănh n’hêl ndơ̆ an chính phủ.