Talshow “Cà phê n’hanh nău nkoch nău kan cà phê” yor Hiệp hội cà phê Buôn Ma Thuột tâm rgop đah Simexco ƀư lah nău ƀư têh tâm trong nău ƀư jru hvi mpeh cà phê kah bah Lễ hội Cà phê Buôn Ma Thuột rơh tal 9. Talkshow “Cà phê n’hanh nău nkoch nău kan” rgum 12 nuĭh ngơi rblang lah kruanh ngih pah kan mât uănh, hiệp hội, ăp doanh nghiệp tăch n’gluh cà phê tâm dak n’hanh dak bah dih, ăp nuĭh pâr kĭn ntoh lư, ndrel ăp nuĭh mom leo lor trong rƀŏng rgâl mhe nău kan cà phê Việt Nam râng.

Khân pơng tâm nkoch ndrel mpeh: Nchrŏng trong hun hao cà phê kah hăn ndrel đah ntŭk ntô ngêt cà phê “Buôn Ma Thuột-Ntŭk tât cà phê lam ntŭr neh”; Trong hăn rgâl n’hanh hun hao cà phê kah bah tăm tât nkret njêng n’hanh tăch n’gluh; Cà phê kah-Boăt nthoi rơh druh ndăm n’hanh rgŏ năp nău khlay an cà phê Việt Nam. Bôk nău ƀư talkshow “Cà phê n’hanh nkoch nău kan” mô knŭng lah di an ăp nuĭh ŭch cà phê nti n’hanh tâm rgâl nău blău ơm ma hôm n’gâng tơm boăt nthoi nsum mpôl cà phê, ntrôl nău hun hao bah nău kan cà phê kah Việt Nam tâm rgŏ năp.