Nar 9/6, ta Dak Lak ƀư tâm nchră mpeh kơi năp nti mpeh njêng, pă an n’hanh mât dŏng mã mbrô nkual tăm, ntŭk nklâm tâl ndơ tăch n’gluh. Ăp đại biểu dơi ntĭm nti mpeh rêng ƀư, nău dơi njêng, pă an, mât rŏng mã mbrô nkual tăm, ntŭk nklâm tâl đah ăp ndơ tuch tăm; mbơh gĭt jru ăp quy định ta Nghị định thư mpeh nău đă uănh năl bu tuh sa đah sầu riêng, bum prŭm, prit tăch n’gluh bah Việt Nam tât Trung Quốc.

Ndrel đah nê, ăp nuĭh dơi năp nti mpeh kỹ thuật dŏng phân poh đăp mpăn, geh nău tam ta tơm sầu riêng; ntĭm nti rêng mât njrăng bu chuh ta nkual tăm, dŏng dak si mât njrăng si tăm đăp mpăn, geh nău tam. Dak Lak geh âk ndơ tuch tăm geh rnoh khlay tăch n’gluh.  Lơn lah, lôch rnôk dơi Bộ Nông nghiệp n’hanh Phát triển nông thôn tâm pă nău dơi mât n’hanh rdâk njêng mã nkual tăm, rnoh hvi neh tơm sầu riêng dơi kơp dơn di rnoh kah uĕh tăch n’gluh n’hanh dơi njêng siƀŭt đăng ký mã mbrô nkual tăm hao âk./.