VOV4.M'nông: Kêng măng 7/10, Ntŭk rgum ntrŭt nsôr tuch tăm gưl neh dak kan nsum đah Sở Nông nghiệp n'hanh Phát triển nông thôn n'gor Quảng Trị ƀư rơh rgum nchră tâm ôp nău tă ơm gĭt kan rdâk njêng nău way kan Rmôt ntrŭt nsôr tuch tăm  tâm ƀon lan. Nău ŭch na nê̆ bah đề án rdâk njêng ăp Rmôt ntrŭt nsôr tuch tăm  tâm ƀon lan tŏng đah nău ŭch geh nkual tăm di rnoh âk ta 13 n'gor, nkual ƀon têh lam dak, lôch nê, pơk hvi ăp n'gor êng ƀa ƀă.

Ta bôk nău kan, Sở Nông nghiệp n'hanh Phát triển Nông thôn n'gor Quảng Trị mbơh n'glêh an rlong njêng Rmôt ntrŭt nsôr tuch tăm  tâm ƀon lan Rkŭm Hải Lăng – Triệu Phong n'hanh Rmôt ntrŭt nsôr tuch tăm  tâm ƀon lan rkŭm Vĩnh Linh – Gio Linh – Cam Lộ.  Nkhêp geh rnôk dja, Ntŭk rgum kan ntrŭt nsôr tuch tăm mât rong gưl neh dak hŏ jao an 10 bôk ndeh păr mô geh nuĭh ƀĭt an 2 Rmôt ntrŭt nsôr tuch tăm  tâm ƀon lan n'gor Quảng Trị; nkre ƀư ký ton tâm boh đah Ntŭk rgum ntrŭt nsôr tuch tăm gưl neh dak,  Sở Nông nghiệp n'hanh Phát triển nông thôn n'gor Quảng Trị n'hanh Công ty Trách nhiệm Hữu hạn Tiến Phong Cam Lộ gay tăm âk si an geh tơm nkret njêng di rnoh uĕh./.

VOV.VN

Nuĭh rblang: Điểu Thân