Kêng măng 10/8, ta Gia Lai ƀư Tâm nchră tăm rơ̆ jêng âk sầu riêng, chanh rse jŏ jong ta ăp n’gor mpeh bah dâng. Gay hun hao jŏ jong, Bộ Nông nghiệp n’hanh Phát triển Nông thôn hŏ ŭanh an dŏng Đề án Hun hao tơm sa play khlay tât năm 2025 n’hanh 2030. Tâm nê, nsrôih tât năm 2025 lam dak geh 1,2 rkeh ha tơm sa play, rnoh âk geh tât 14 rkeh tấn. 30% rnoh neh ân dŏng rêng tuch tăm uĕh, rnoh khlay tăch n’gluh geh 5 rmen đôlar.

Tâm nchră hŏ rblang gĭt, n’gluh ăp trong nkra, trong rƀŏng đah nău tăm rơ̆ jêng âk sầu riêng n’hanh chanh rse tâm let năp tay nkre đah ntŭk tăch rgâl tâm dak, tâm nkual n’hanh lam ntŭr neh. Đah ăp doanh nghiệp tăch n’gluh, Viện gŭ mĭn, n’hanh ăp n’gor mpeh bah dâng ân tĭng ƀư tâm rgop êng gay hun hao tơm sa play. Mât kân uĕh mpeh ntil, der bah an ƀon lan, nuĭh tăm khuch khat. Cục tuch tăm nkah njrăng lor nău “hao âk ndal” mpeh neh tăm, rnoh play mpeh chanh rse n’hanh lơn lah đah tơm sầu riêng, geh ma nău khuch tât trong nchrăp dăp rgum tơm tăm tĭng đề án plơ̆ dăp rgum tay tuch tăm bah n’gor. Mô dơn nê, geh nău nuĭh ƀon lan sreh jăng tơm tăm jŏ năm êng ƀa ƀă kơt cà phê, tiêu… rgâl jêng tăm sầu riêng, chanh rse.