Tâm rnôk ƀư ăp nau kan bar ding ta Hoa Kỳ tâm rnôk rƀŭn tal 68 Uỷ ban nau kan bu ur bah Hội đồng văn sa, rêh jêng Liên hợp quốc, Groi Kruanh dak Võ Thị Ánh Xuân hŏ vơt Kruanh n’gâng kan tuch tăm Hoa Kỳ Thô-mát Vin-xắc. Groi kruanh dak Võ Thị Ánh Xuân lah rjăp, Việt Nam uănh Hoa Kỳ lah dak kan nsum khlay tâm nau kan ndrel ŭch ndrel ma Hoa Kỳ nsôih ngăn ntrŭnh ƀư nau tâm boh nau kan ăp ntil kŏ kơt lah nau nchrăp bah rđau kan gưl prêh bar dak geh dơi tâm rnôk khâl Việt Nam bah Tổng thống Joe Biden khay 9/2023, tâm nê nau tâm boh tuch tăm ndrel tăch rgâl ndơ tuch tăm lah nau kan geh kơl an.

Groi Kruanh dak võ Thị Ánh Xuân đă Hoa Kỳ mro kơl an nkoch nau blau ndrel nau tâm boh mpeh nau kan khoa học tuch tăm, kơl an Việt Nam ntrơn rgâl tuch tăm geh nau dơi, jăng lơi nau kan njrăng rdâng nau kan tăch rgâl ndrel nau rdâng nau tuch tăm bah Việt Nam, nkre lah kơl an nau kan tuch tăm, kơl an ndơ tuch tăm bah Việt Nam tŏng dơi nau ŭch geh tăch tâm ntŭk tăch rgâl bah Hoa Kỳ./.