VOV4.M'NÔNG - N’gor Dak Lak mhe geh nău lư mpeh lôch jêh khay klêh cà phê 2022-2023. Dŭt njrăng, rlău du năm aơ cà phê lơn âk tĭng trong rƀŏng hao rnoh khlay hŏ ƀư n’hao rnoh mpŏng an nău kan mât chăm. Yơn trong rƀŏng dja ƀư hao âk ntul rlong an ăp doanh nghiệp tăch n’gluh đŏng, ndơ̆ luh nău ŭch geh âk lơn đah nău mât rmoh rman.

VOV4.M'NÔNG - Ntoh măt ntơm bah nar 7/11 mhe aơ, trang thương mại điện tử Chonongsandaklak.vn tă bah Hội Nông dân n’gor mât dŏng, dơi njêng êng an ntil trong wăng sa mpôl n’hanh tâm rgop ƀư njêng, geh nău nkoch mbơh, nkơnh n’hơ ndơ geh ƀư, tâm rgop rêng rnoh khlay ndơ tuch tăm n’hanh tăch chrai ndơ tuch tă, 500 ndrơng ndơ bôk năp ta Chonongsandaklak.vn dơi rdâk njêng gay nuĭh ƀon lan nkoch mpeh ndơ geh ƀư ntơm bah rnôk srih tăm tât rnôk klêh play, nklâm tâl jêng geh ndơ tăch.

VOV.M'nông - Ôi 19/12, ta nkual ƀon têh Buôn Ma Thuột, N’gâng kan tuch tăm mât rong n’hanh hun hao n’gor Dak Lak tâm rgop đah N’gâng kan tuch tăm mât rong n’hanh hun hao ƀon lan n’gor Quảng Ngãi ƀư rgum nchră ntrŭt ngăch tăch rgâl n’hanh boăt nthoi tăch rgâl du đêt ndơ OCOP năm 2023.

VOV4.M'NÔNG - Ta nkual ƀon têh Buôn Ma Thuột, n’gor Dak Lak, Ntŭk rgum gŭ mĭn si gle bri nđik ta Việt Nam mhe ƀư tâm nchră “Rdâk tay rup uĕh bri dak ta Dak Lak: Trong dơh soih n’hanh ntul rlong”. Ta aơ, ăp nuĭh khoa học hŏ n’gluh ăp trong nkra rdâk tay bri dak uĕh măt uănh tâm mât chăm cà phê, tăm cà phê nkre đah n’hâm si bên di đah rgâl trôk nar.

VOV4.M'nông: Ndâk bri tâm rnôk tăm cà phê, tăm cà phê tâm rgop ma mât njrăng bri gay rdâng đah nau rgâl mhe trôk nar.

VOV4.M'NÔNG-  Tĭng ƀư ăp trong nkra rgop hun hao cà phê jŏ jong, kloh uĕh an neh ntu ntŭk gŭ rêh, mhe aơ, âk ƀon lan kan lŏ mir ta Dak Lak hŏ nsĭt geh wăng sa, mât rơ̆ trĭch, gay njrăng, n’gang ăp ntil tu ndrŭng chuh sa n’ging tơm, bu tuh nđôch, krêp rsap….ta tơm cà phê. Nău dja mô dơn kơl hŭch bah huach prăk tơm lăp kan, mât njrăng n’hâm suan ma hôm săk kah uĕh cà phê.

VOV4.Mnông - Ta n’gor Dak Lăk, lôch geh nău pă rnoh mbrô ntŭk tăm, rnoh mbrô ntŭk tâl dŭng, geh mbơh tơih lam hvi ta ăp n’gor Dak Lak, lĕ geh tât rbăn tấn chanh rse, nhãn lồng, bum prŭm n’hanh klâp ma 300 rbăn tấn sầu riêng ta n’gor geh tăch tĭng trong tơm, nsĭt tay nău geh têh âk. nău mbơh kloh ntŭk ƀư, nău ueh ndơ tăm ta ăp ntŭk tăm n’hanh ntŭk tâl dŭng geh pă rnoh mbrô ta Dak Lak, lĕ an saơ nău khlăy ngăn n’hanh nâp nâl.

VOV4.M'nông: Ôi lơ 13/12, UBND nkuăl Tu Mơ Rông, n’gor Kon Tum ntơm ƀư nau tăm 12 rbăn tơm sâm Ngọc Linh du năm tâm nâm neh bri. Rnoh tơm aơ yor Thủ tướng Chính phủ Phạm Minh Chính pă ân rnăk ach o bah nkuăl tâm rnôk hăn kan tâm nkual tâm khay 8/2023.

VOV4.Mnông-  Ta nkuăl ƀon têh Buôn Ma Thuột, ntŭk kan mât pă nău kan nkual ƀon lan mhe n’gor Đăk Lăk ƀư jrô nti nău kan, ntĭm nti bôk nău kan du xã du ntil ndơ OCOP năm 2023 an 150 nuĭh kan lah ndơn kan doanh nghiệp, hợp tác xã, rmôt kan ndrel, tơm ntŭk kan n’hanh rnăk pah kan ta n’gor.

VOV4.M'nông: N’gâng kan soay n’gor Dak Lak ƀư rƀŭn nchră ntŭk kan tăch rgâl mpeh nau ntrŭnh, săm ƀŭt hành chính soay tal 2 năm 2023 gay nkoch mbơh ndrel rklaih ăp nau jêr bah ntŭk kan tăch rgâl.