VOV4.M'nông: Ôi 6/12, ta Jay Quốc hội, Ủy ban Xã hội bah Quốc hội ƀư rơh hop rgum lam lĕ rngôch tâl 5 gay uănh năl di tay si ƀŭt mbơh rblang bah Chính phủ mpeh du đêt trong kan mha êng, kơl êng tâm njrăng n'gang nuh srê Covid-19. Groi kruanh Rnâng kan Quốc hội Trần Thanh Mẫn râng rơh hop. Uănh năl di tay si ƀŭt mbơh rblang bah Chính phủ, ăp nuĭh dăn đă ƀư kloh quy định mpeh nău nuĭh kơl râng chuh n'gang, uănh năl mham, mât chăm nuĭh geh ntưp Covid-19. Ta rơh hop, Groi Kruanh Quốc hội Trần Thanh Mẫn dăn đă ƀư kloh tay n'glĕ dơi rgâl bah trong nchrăp Nghị quyết dơn rgum quy định ăp trong kan mha êng, kơl êng tâm njrăng n'gang nuh srê Covid-19 êng đah quy định bah luật mô lah mô hŏ dơi luật dôl dŏng aƀaơ quy định. Ôp uănh tay ăp tŏng lam lĕ rngôch ăp trong kơl, trong kan dơi nchih nkoch tâm trong nchrăp Nghị quyết gay mbơh Ủy ban Thường vụ Quốc hội./.

Nuĭh rblang: Điểu Thân