VOV4.Mnông-ƀư tĭng nău ntĭm đă bâh thủ tướng chính phủ mhe geh ntrŭnh mbơh công văn mpeh nău uănh kơp rnoh oh kon se kon đơi yor nuh srê Covid-19 n’hanh dăn đă ntrong kan tâm let năp tay gay ma mô an oh kon đơi geh nău mô mât uănh, mât kơl tâm di. Công văn njoăl an kruanh n’gâng kan lao động thương binh n’hanh xã hội lah na nê̆, rơh nuh srê Covid-19 ntoh luh tal 4 ta Việt Nam đah nău ntưp rgâl săk Delta ntưp trêng dŭt ngăch, n’hanh jêr njrăng lĕ khuch âk tât nău rêh săk soan bâh nuĭh ƀon lan, ngăn lah ăp rnăk lĕ geh rhiăng oh kon e kon đơi mê̆ bơ̆, mô geh nău mât rong, mât chăm bâh rnăk vâl n’hanh mê̆ bơ̆. Ntŭk kan chính phủ dăn đă n’gâng kan lao động thương binh n’hanh xã hội tâm rgop đah ăp ntŭk uănh kơp rnoh oh kon se kon đơi mê̆ mô lah bơ̆ mô lah lĕ mê̆ bơ̆ yor nuh srê Covid-19 n’hanh dăn mbơh ntrong kan tâm let năp tay gay ma mô an oh kon se kon đơi geh nău pah pĭt mô tŏng n’hanh geh nău kơl lĕ rngôch, jŏ jong, tâm di, kơl ueh an oh kon se kon đơi yor nuh srê Covid-19.

Nuĭh rblang: Thị Đoắt