VOV4.M’nông: Lŏ bôk nau kan rơh rƀŭn tal 6, kêng măng 9/12, Uỷ ban Rnâng kan Quốc hội rgop nau mpeh Bôk nau kan ndâk ntrong kan, nau kan prăk kaih gay ma kơl an nau ntrŭnh Bôk nau ndâk ndrel hun hao văng sa, rêh jêng. Bôk nau kan aơ lah nau kan khlay ngăn ndrel geh ndal rnôk aơ. Du đê̆ nkô̆ nau bah năp nơh hŏ geh Quốc hội jao ân Uỷ ban Rnâng kan Quốc hội uănh. Rơh aơ Bôk nau kan ndâk ndrel hun hao văng sa rêh jêng tâm bôk nau nchrăp nau kan 5 năm 2021-2025 hŏ geh Quốc hội nchră luh kơt: Nau nchrăp hun hao văng sa, rêh jêng, nau nchrăp tơm prăk, nau nchrăp ntuh kơl nsum, jong năm, nau nchrăp manh ndrel trok rnoh jong năm. Tâm rnôk dôl geh srê hôm jêr, kan geh rnoh kơl an tay gay ma ndâk nau văng sa lah nau khlay. Rnoh aơ mra rgum tâm 2 năm. Tâm nê năm 2022 rgum râm nau kan ndak, hôm năm 2023 mra rgum tâm nau hun hao. Tơm prăk gay ƀư nau kơl an bah năm ndrel prăk kaih mra nsing tâm nau manh ndrel dơi trok, yơn ân geh đăp mpăn nau dơi ndrel nau geh rgum bah jâng văng sa./.

Nŭih rblang: H’Thi