VOV4.M’nông: Lŏ bôk nau kan rơh rƀŭn tal 6, ôi lơ 10/12, rgop nau mpeh nau ntrŭnh ntuh kơl ân Bôk nau kan ndâk trong cao tốc Bắc-Nam mpeh ba dâng lvang năm 2021-2025, Uỷ ban Rnâng kan Quốc hội đă nkah ndrel ƀư ân kloh lơn tay nau kan ntuh kơl tĭng nau ƀư ân geh dơi 4 ndeh hăn 24,75m rđil nau dăng 4 ndeh hăn tâm ban ma 17m gay đăp ân nau dơi đăp mpăn săk tam tâm rnôk dŏng. Uỷ ban Rnâng kan Quốc hội tâm ban nau mbơh Quốc hội uănh ntrŭnh nau kan ntuh kơl ăp bôk nau kan đah nau ntuh kơl nsum. Nkre lah dăp rgum tay nau ntrŭnh ntuh kơl gleh năm gay ma pă tơm prăk tâm nau nchrăp kan gleh năm ƀư bôk nau kan nkra trong cao tốc Bắc-Nam mpeh ba dâng lvang năm 2024-2025. Mbơh nau Quốc hội ân jao nau kan ân Uỷ ban Rnâng kan Quốc hội uănh, ntrŭnh nau jao nau dơi dŏng neh bri bah nau kan geh mbơh tâm nau mĭn ƀư uănh dơi.

Kŏ tâm lơ 10/12, Uỷ ban Rnâng kan Quốc hội hŏ rgop nau mpeh nau nchrăp ân rơh rƀŭn ndal bah Quốc hội gưl 15./.

Nŭih rblang: H’Thi