VOV4.M'nông: Nar 13/10, Groi kruanh Ban Rnâng kan Ủy ban Trung ương MTTQ Việt Nam, Trương Thị Ngọc Ánh hŏ n'glêh an tâm pă 8 rmen prăk gay kơl nuĭh ƀon lan bah nkual nuh srê Covid-19 plơ̆ sĭt ăp n'gor Sóc Trăng, An Giang, Đồng Tháp, Kiên Giang, Bình Định kơp ntơm bah nar 1/10/2021. Tĭng nê, kơl an n'gor Sóc Trăng 2 rmen prăk, n'gor An Giang 2 rmen prăk, n'gor Đồng Tháp 1 rmen prăk, n'gor Kiên Giang 2 rmen prăk, n'gor Bình Định 1 rmen prăk. Nuĭh dơi kơl lah nuĭh ƀon lan plơ̆ sĭt bah ăp nkual nuh srê Covid-19: Nkual ƀon têh Hồ Chí Minh, n'gor Bình Dương, Đồng Nai, Long An mâp jêr jŏt n'hanh ân gŭ srang ngai êng, tâm nê kơl lor an nuĭh ƀon lan lah rnoi mpôl đê̆, kon se kon đơi, ndrô ranh tă bah nuh srê Covid-19. Rnoh ntop kơl đah nuĭh ƀon lan plơ̆ sĭt bah nkual tơm nuh srê Covid-19 lah 300 rbăn prăk/nuĭh. Nar ntop kơl nuĭh ƀon lan kơp ntơm bah nar 1/10/2021.

Nuĭh rblang: Điểu Thân