VOV4.M’nông: Tâm rơh rƀŭn mbơh vay ăp khay geh tâm kêng măng 9/12, nŭih ntoh ngơi N’gâng kan nchră nau Việt Nam Lê Thị Thu Hằng mbơh, rơh rƀŭn Kruanh n’gâng kan nchră nau ASEAN ndrel rmôt ăp dak hun hao G7 mra geh ƀư tâm pơh ba kơi. Kruanh n’gâng kan Bùi Thanh Sơn mra râng ndrel geh nau ntoh ngơi ngăn. Ndrel ma nê Việt Nam dôl tâm nchră đah ăp dak ASEAN mpeh nau đă bah Tổng thống Mỹ Joe Biden ŭch ƀư rơh tâm mâp gưl prêh đah ăp rđau kan ASEAN. Việt Nam kŏ ntoh nau kơl an nau dơi ƀư Kruanh ASEAN bah Campuchia tâm năm 2022./.

Nŭih rblang: H’Thi