VOV4.M’nông – Ôi 4/8, Đài TNVN tâm rgop đah Công ty TNHH Thực phẩm n’hanh dak ngêt JOY ƀư bôk nău kan “Tâm pă tâm rŏng-Hăn ndrel nchăng n’gang srê” ta nkual ƀon têh Hải Phòng. Ta Hải Phòng, bôk nău kan an 500 kg phe an ăp rnăk jêr jŏt, geh khuch srê Covid-19 ta phường Máy Chai n’hanh Vạn Mỹ (quận Ngô Quyền); an 7.400 nklâm ndơ dak njŭng an ăp ntŭk kâp uănh srê ta nkuăl An Dương.

Ntoh măt nuĭh ntop kơl n’hanh nuĭh nchih nău Đài TNVN ta Hải Phòng an ndơ kơl ta MTTQ quận Ngô Quyền

Wa Đinh Thị Lương, Kruanh ban Dân vận, kruanh Ủy ban Mặt trận Tổ quốc Việt Nam quận Ngô Quyền an gĭt, ăp nklâm ndơ aơ, nuih n’hâm bah Đài TNVN n’hanh ăp rmôt lĕ ntrŭt nsôr kônh wa ƀon lan răm rhơn lơn tâm ăp nar chôt srê.

Nuĭh rblang: Y Sưng Phê Ja