VOV4.M'nông: Kêng măng 1/12, ta Nhih pah kan Trung ương Đảng, Mpôl ntơh măt Đảng he tă bah wa Võ Văn Thưởng, Ủy viên Bộ Chính trị, Rnâng kan Ban Bí thư leo hăn hŏ râng tâm nchră pơk sŏng dăng rgop âk đảng dak bah dih, tă bah Đảng dak Nga dơn ngoăy mât bôk ta Liên bang Nga ƀư tơm.

Lah ta rnôk tâm nchră, wa Võ Văn Thưởng lah rjăp đăp mpăn, tâm boh n'hanh hun hao lah trong rƀŏng têh tay lam ntŭr neh; rnôk lam ntŭr neh n'hanh tâm rgop wăng sa lam ntŭr neh bol mâp jêr jŏt yơn ndrel đah rơh cách mạng 4.0 njêng suan ntrŭt hun hao tay. Wa Võ Văn Thưởng tâm ôp mpeh ăp rnoh tât kan n'hanh gung trong hun hao, trong kan dak bah dih bah Việt Nam, ăp nău dơi khlay hŏ dơi geh, lah rjăp tâm boh dak bah dih đảng lah ngoăy tâm ăp n'gâng tơm tâm boh dak bah dih Việt Nam n'hanh lah rjăp nău uănh khlay đah tâm boh têh jong lam lĕ rngôch Việt Nam- Nga n'hanh đah Đảng Cộng sản Việt Nam n'hanh Đảng dak Nga Dơn ngoăy.

Nuĭh rblang: Điểu Thân