VOV4.Sêdang - Tâng mơngế pêt tiêu a mâu kong pơlê kơpong Tây Nguyên dế tô tuăn tăng troăng hơlâ hbrâ mơdât pơreăng vâ mơdêk pêt tiêu tơniăn ton, mê a Kontum, ai môi ngế rơtăm Bơhnéa ai pêi pro tiô troăng pêi cheăng kâ ki nếo ăm dêi rơpo\ng hngêi, mê cho ôh tá xê ‘no liăn vâ pêt kơphế, pêt tiêu. Kot mâ tung rơpo\ng hngêi ai 8 ngế, tơdroăng rêh ối dêi rơpo\ng hngêi kơtiê xơpá, ngoh A Tải, kuăn ngo Bơhnéa a pơlê Kon Kơ Năng, cheăm Đăk Tờ Re, tơring Kon Braih, kong pơlê Kontum [ă tơdroăng kơdôu mơ-eăm ôh tá xâo hrâ mơnguâ kơtiê, hiăng tơkâ hluâ tơdroăng pá chiâng môi ngế kơhnâ pêi cheăng tung cheăm. Ôh tá xê to pêi mâu túa cheăng ki nếo, A Tải ối cho ngế ki a cheăm tí tăng mâu tíu ki rôe tơmeăm pêi lo ing chiâk deăng, thăm châ pêi lo hên kơxo# liăn. Khoa Điểm, Ngế chêh hlá tơbeăng ai chêh tối ‘na ngế rơtăm ki mơ-eăm tơkâ hluâ xơpá vâ pro kro mơdro\ng.

          Kơtăn ing kố ai 4 hơnăm vâi krâ nho\ng o hdroâng kuăn ngo Bơhnéa a cheăm Đak Tờ Re, tơring Kon Braih kơdrâ khât drêng hlo A Tải, ngế ki ối a pơlê Kon Rơ Năng a kơxo má, kơhâi, lơ peăng kơxê pơrá chơ dêi 2 kơtong ki tâ kơchâi lăm prôk tung lâp lu a mâu thôn, pơlê tê dêi. Hiăng ai ôh tá iâ rơkong tơpui tối, xua sap ing nah troh nôkố tá hâi hmâ teăm hlo ngế rơtăm Bơhnéa ki lâi pro tiah mê. Mơ’nui rêm ngế xuân ‘nâi nhên drêng châ hlo [ă mâ tơnêi ki kân rơdâ ai 4 sào 500 met karê dêi ngoh A Tải hdrối kố nah bu pêt to pôm loăng, alâi, mê nôkố hiăng chiâng kơdrum deăng ki pêt hên hdrê kơchâi krúa. Tối troh tơdroăng pêt kơchâi, A tải ăm ‘nâi: Á rơhêng vâ, á hriâm [ối mê á vêh a hngêi á pêi. Pro tiah kố athế kơhnâ mê tung pơlê tá hâi ai kơbố pêi. Xuân tá hâi ‘nâi yă tê gá tiah lâi, á hmếo pơ pêi tê mê ah hiăng rơkê ple\ng. Á lăm tê xêh, teăn péa to kơtong krâ a péa pâ rơxế á lăm tê. Liăn ngân pêi lo tối tơdjuôm xuân tơniăn tâ pêt hdrê ki ê.

          Pơchốu a tro\ng xăng ki pêt a mơ’nui kơdrum, A Tải ăm ‘nâi, mê cho hdrê ki xiâm ngoh pêt klêi kơ’nâi pơtê pêt alâi, pôm loăng. Xua A tải rah xo hdrê tro\ng xăng kố cho hdrê kơchâi kâ ki xiâm dêi pơlê, cheăm, tơ’lêi pêt, gá ối rêh ton tâ mâu hdrê kơchâi ki ê [ă ki kal tâ cho mâu ngế Bơhnéa xuân môi tiah Xuăn pơrá rơhêng vâ kâ. Hâk vâ [ă tơdroăng pêt  hdrê tro\ng xăng, A Tải khên pêt hên kơchâi ki ê la athế ai tơdroăng ki rơkê ple\ng tung rak ngăn, môi tiah, plâi măng râ, hăng, mâu kơchâi hơpê, prá kô ve [ă hên hdrê kơchâi ki ê. Kơnôm ing tơdroăng rak ngăn tro, châ krí xo hên, tê xuân châ vâi roê hên há, rêm hơnăm A Tải pêi lo châ chât rơtuh liăn. Sôk ro ‘na kuăn kơnốu dêi tơná, jâ Y Khei, nôu A tải ăm ‘nâi: Pơxiâm pêi nah gá trâm hên tơdroăng pá khât. Pá khât yoh. Gá pêi roh ki lâi, roh ki mê xuân ôh tá ai liăn. Tê dêi prá, tê dêi plôi xo kơxo# liăn mê vâ roê pơkeăng, roê phon. Gá chiu pá khât tiah mê, hlo gá hiăng tơniăn iâ, á sôk ro ăm gá yôh, xua ga mơ-eăm pêi.

          Kơhnâ pêi cheăng, khên tơmiât khên pêi, rơtế [ă kum rơpo\ng hluăn ing kơtiê [ă rế hía rế pro kro mơdro\ng, A Tải ối tăng cheăng pêi ăm 3 troh 6 ngế pêi cheăng tung pơlê. Kơnôm ing tơdroăng kơhnâ tí tăng ‘nâi ple\ng tung kơchô tê mơdró, nôkố mâu hdrê kơchâi dêi A tải ki pêt chiâng pơrá hiăng ai tíu ki xiâm roê tê. Loi tơngah tung tơdroăng ki rơkê ple\ng dêi A tải cho ngế rơtăm hdroâng kuăn ngo Bơhnéa, mơ’nui hơnăm 2015 kố nah, Vi [an hnê ngăn tơring Kon Braih ‘no liăn kum ăm A Tải pêt tơ’nôm 800 met karê reăng lay-ơn. Châ tơ-[rê khât, A Tải rế hmiân tuăn vâ pêi pêt hên mâu hdrê kơchâi ki ê hên tâ nếo. Tối ‘na ngế rơtăm hdroâng kuăn ngo Bơhnéa ki mơ-eăm tơkâ hluâ xơpá pro kro mơdro\ng ăm pơlê, pôa Huỳnh Quốc Thái, kăn pho\ hnê ngăn Vi [an cheăm Đak Rờ Te ăm ‘nâi: Rơpo\ng A Tải kố cho rơpo\ng ki apoăng djâ toăng a hdrối. Cheăm kô djâ mâu kăn thôn lăm pôu ngăn, hriâm [ối vâ ing mê po rơdâ túa pơkâ pêt tung tơdroăng ‘no liăn cheăng ăm tơdroăng tơkêa bro. Tơdroăng ki ngoh A Tải hmếo pơ pêi pro xêh hnoăng cheăng ai tơpui tơno [ă mâu tíu ki xiâm vâ roê kơchâi gá tro khât. Nôkố tung tơring, cheăm tá hâi ai rơpo\ng ki lâi chiâng pêi tơdroăng kố’’.

Katarina Nga tơplôu [ă tơbleăng