VOV4.Sêdang - Kơxê hâi lơ 20/10, Tíu xiâm séa ngăn mơdât pơreăng kong pơlê Dak Lak ăm ‘nâi: Tung pơlê kong kơdrâm Ƀuôn Ma Thuột nếo ai tơ’nôm 17 ngế test rĕng yương tĭnh ƀă SARS-CoV-2 a 2 bêng, cho bêng Tân Tiến ƀă Tân Lập. Tung 17 ngế ki tâ tú a 2 bêng mê, ai 4 ngế ối a troăng kân Hồ Tùng Mậu, bêng Tân Tiến hiăng khăm ngăn PCR yương tĭnh ƀă SARS-CoV-2.

Ai tơ’nôm péa tíu tâ tú pơreăng COVID-19 tung kuăn pơlê a pơlê kong kơdrâm Buôn Ma Thuột

Drêng châ ‘nâi, mâu khu râ pơkuâ cheăng hiăng gak tơtâ, tơkŭm khăm tôe ngăn têa môh ăm lối 1 rơpâu ngế a tôh kơphô̆ 3 bêng Tân Tiến ƀă châ ‘nâi ai tơ’nôm 1 ngế yương tĭnh ƀă SARS-CoV-2. Pakĭng mê, a kơxo lơ 20/10, ai prếi on veăng ki rêh ối a hẻm 129 Ama Khê (bêng Tân Lập) tâ dêi tung châ rơlâi rơlo mê hiăng lăm khăm a môi hngêi pơkeăng krê dêi kuăn pơlê. Amê 2 ngế ki mê khăm rĕng ăm ‘nâi yương tĭnh ƀă SARS-CoV-2.

Tơdjâk troh pơreăng COVID-19 a kong pơlê Dak Lak, tung hâi lơ 20/10, kong pơlê hiăng ai tơ’nôm 35 ngế yương tĭnh ƀă COVID-19 a mâu tơring, pơlê kong krâm tung kong pơlê.

Gương tơplôu ƀă tơbleăng