VOV4.Sêdang - Cheăm Đinh Trang Thượng, tơring Di Linh, kong pơlê Lâm Đồng tung roh tơplâ xâ Mih to\ng xo tơnêi têa tro xâ plâ tơ’nhiê tơ’nhe#ng, nôkố hiăng ai mâu hngêi le\m pro achê dêi pó, mâu tơbăng, inúa to kơphế ngiât le\m hiăng pro ngiâ méa dêi kơpong pơlê kăch măng hơ’lêh kro mơdro\ng. Kơnôm ing ‘nâi tơmiât mê tơdroăng cheăng kâ dêi mâu hdroâng kuăn ngo akố rế hơniâp ro, phâi tơtô. Tơdroăng ‘’Thôn pơlê rêh ối cheăng kâ tiô túa nếo’’ măng t^ng kố ngin tối ‘na tơdroăng ki hơ’lêh a cheăm Đinh Trang Thượng, tơring Di Linh, kong pơlê Lâm Đồng.

Cheăm Đinh Trang Thượng rế hía rế ‘mâi mơnhông mâu tơdroăng ki xơpá, kơnôm ing tơdroăng ki ai hlâu dêi kong pơlê, vâ mơ-eăm mơnhông mơdêk cheăng kâ rêh ối, kơdroh tah hrâ mơnguâ kơtiê xơpá. Mê cho tơdroăng ki pôa K’Wệ, kăn pho\ pơkuâ ngăn Đảng ủy cheăm Đinh Trang Thượng tơpui tối hên ăm ngin: Cheăm Đinh Trang Thượng hiăng tơpui [ă {ơrô pêi chiâk pêi deăng dêi tơring vâ hnê tối khoa hok kih thua#t, mơdêk tơdroăng ki xúa khoa hok kih thua#t ăm vâi krâ nho\ng o vâ hơ’lêh pêt mâu tơmeăm tung [ăng tơnêi ki hdrối nah ôh tá dâi le#m, malối nôkố pêt hdrê ki nếo teăng ăm hdrê ki ton. Nôkố ai mâu [ăng deăng a cheăm Đinh Trang Thượng hơ’lêh pêt hiăng châ tơ-[rê, dâi le#m châ sap 2 ta#n troh 2 ta#n tơdế tung môi ha vâ mơdêk tơdroăng rêh ối cheăng kâ ăm vâi krâ nho\ng o.

Rêm hơnăm khu kăn pơkuâ cheăm pơrá séa ngăn mâu rơpo\ng kơtiê vâ ai troăng hơlâ kum pơkâ i nhên, kơnôm ing mê, hdroâng kuăn ngo akố pơrá tơ’noăng dêi pó pêi cheăng kâ vâ mơdêk mơdâ pêt mâu hdrê pêt, mơnăn păn hluăn ing kơtiê krá tơniăn. Rơpo\ng ngoh K’Clok, a thôn 4, cheăm Đinh Trang Thượng hdrối nah cho rơpo\ng kơtiê la kơnôm ai tơdroăng to\ng kum pơkâ troăng hơlâ dêi khu kăn pơkuâ kong pơlê, ngoh hiăng vêh pêt tơmó kơphế. Kơnôm mê, kơphế dâi le#m khât rế hía rế châ hên. Sap ing hơnăm 2013, rơpo\ng ngoh hiăng hluăn ing kơtiê [ă troh nôkố hiăng mơjiâng pro hngêi le\m. Ngoh K’Clok tối: Mung liăn ing hngêi rak liăn roê phon [ă roê hdrê. Pák^ng mê, tơring xuân 3 rôh lăm troh vâ hnê, hơnăm ki lâi xuân châ hriâm kih thua#t pêt kơphế, rơvât phon, xôh pơkeăng châ vâi krâ nho\ng xúa tơ-[rê khât. Rơpo\ng á xuân pêi pro kơhnâ khât vâ châ hluăn ing kơtiê, hơnăm kố á tơmiât pêt tơ’nôm kơphế nếo vâ tơniăn tơdroăng cheăng kâ dêi rơpo\ng hngêi.

Xuân kơnôm châ mung xo liăn dêi hngêi rak liăn to\ng kum rêh ối pơlê pơla ki rơpo\ng ngoh Tạ Văn Vân, a thôn 5 cheăm Đinh Trang Thượng hiăng ai tơdroăng ki vâ po rơdâ tơ’nôm deăng pêt kơphế. Troh nôkố, rơpo\ng ngoh hiăng châ xo dêi lối hr^ng rơtuh liăn sap ing tơdroăng ki tê kơphế. Ngoh Tạ Văn Vân ăm ‘nâi: Hdrối nah á pêt bu to lâi sao kơphế tê, klêi mê á po rơdâ pêt tơ’nôm, á hlo kơphế hơnăm ki lâi yă tê xuân ôh tá tá rơpâ to lâi, ôh tá môi tiah yă báu. Tơnêi tơníu xuân tơtro 1 ha xuân châ sap 2 ta#n 8 troh 3 ta#n.

Nôkố, hên rơpo\ng a Đinh Trang Thượng hiăng ‘nâi xúa tơdroăng ki ai hlâu dêi kong pơlê vâ kơdroh tah hrâ mơnguâ kơtiê xơpá. Malối [ă tơdroăng ki pêt mâu hdrê kơphế ki ai plâi kơtóu hên [ă kloăng gá dâi le#m, nôkố hên rơpo\ng hiăng châ hluăn ing kơtiê [ă hiăng châ mơjiâng pro hngêi le#m krip. Nâ K’Hường, a thôn 4 cheăm Đinh Trang Thượng ăm ‘nâi: Tơdroăng rêh ối dêi mâu kuăn pơlê hâi kố hiăng niân nok [ă ai tu\m kế tơmeăm tâ hdrối nah: Pơlê, cheăm xiâm tơná hiăng hơ’lêh hên khât, nah tá hâi ai troăng hơlâ cheăng kâ, tá hâi ai hngêi pơkeăng cheăm, tơpá khât, muih chiâk gá pá khât, môi hơnăm nếo poê xo môi hdroh báu, tâng báu le\m  châ lối chât kơxâk, tâng hơnăm ki mê ôh tá le\m bu bê vâ kâ tê. Sap ing ‘nâi pêt kơphế, á hlo cheăm kố hiăng hơ’lêh [ă mơnhông mơdêk khât, ai troăng, ai on tơhrik, ai hngêi trung hriâm, ai hngêi pơkeăng cheăm. Nah á bu kal kâ phâi, xâp tơtô tê, la nôkố hên rơpo\ng hngêi hiăng kâ phâi, xâp le\m.

Chiâng vâ tối Đinh Trang Thượng hâi kố hiăng ai tơdroăng ki hơ’lêh khât, troăng prôk tung thôn pơlê hiăng châ tôh [ê tong tâi, on tơhrik krâ ‘măn a drô troăng, hngêi pơkeăng cheăm pơrá châ ‘mâi rơnêu le\m tâ hdrối nah. Châ hlo tơdroăng ki hơ’lêh kố dêi pơlê, cheăm tơná, pôa K’Bril, a thôn 4, cheăm Đinh Trang Thượng sôk ro khât tối: Nah tơpá khât, troăng prôk ôh tá le#m môi tiah kố, kuăn pơlê lăm pro pơlê nếo, hngêi pro [ă phêa, pơ-óu. Nôkố, hngêi ki lâi xuân ai rơxế hon đa, hngêi ki ‘nâ roê rơxế ô tô, ai tá rơxế chơ tơmối. Á sôk ro khât, kuăn muăn hriâm tâp troh tá tui lui, troăng prôk lăm xuân hiăng tơ’lêi hlâu.

Nôkố, kơxo# rơpo\ng kơtiê dêi cheăm Đinh Trang Thượng bu ối lối 3%, tơdroăng rêh ối châ mơdêk khât, kuăn pơlê hdroâng kuăn ngo hiăng chía niân tâ tung tơdroăng ki ăm kuăn ‘ne#ng lăm hriâm. Pôa K’Wệ, kăn pho\ pơkuâ ngăn Đảng ủy cheăm Đinh Trang Thượng ăm ‘nâi: Akố, rêm hơnăm vâi o vâi muăn hriâm râ má 1 tơ’noăng pơrá châ to hriâm râ má péa tâi tâng. Tung pơla hdrối kố nah, xua ai tơdroăng  to\ng kum dêi Đảng [ă Tơnêi têa, cheăm Đinh Trang Thượng hiăng hnê tơ’nôm, ôh tá ai hok tro ki lâi pơtê hriâm, ai mâu hok tro hriâm tâi râ má pái hiăng lăm hriâm a mâu hngêi trung kao đăng, kao đăng hnê cheăng pêi, ai ngế ki ‘nâ hriâm đăi hok môi tiah Đăi hok Đà Lạt, Đăi hok pơlê kong kân Hồ Chí Minh.

Hdroâng kuăn ngo a Đinh Trang Thượng hiăng [ă dế mơjiâng pơlê, cheăm rế hía rế hơ’lêh mơnhông mơdêk kro mơdro\ng [ă tơxâng [ă inâi cho cheăm khên tơnôu.

Katarina Nga tơplôu [ă tơbleăng