VOV4.Sêdang - Ô vâi krâ nho\ng [ă pú hmâ! Cheăm Ia O, tơring Ia Grai, kong pơlê Gia Lai ai kơxo# mâu hdrông kuăn ngo hluâ tơdế, [ă tâi tâng kơxo# 1 rơpâu 100 rơpo\ng, kơxo# mâu rơpo\ng kơtiê ối lối 15%. Sap ing tơdroăng pơkâ dêi tơnêi têa ‘na mơjiâng thôn pơlê rêh ối cheăng kâ tiu túa nếo châ tơbleăng pêi, Đảng ủy, khu râ kăn cheăm Ia O hiăng hnê tối hên tơdroăng ki pơxúa ‘na mơjiâng thôn pơlê rêh ối cheăng kâ tiu túa nếo vâ kuăn pơlê ple#ng [ă veăng pêi pro, veăng ‘no hnoăng mơnhông mơdêk cheăng kâ rêh ối dêi kong pơlê rế xông tơ-[rê.

Cheăm Ia O, tơring Ia Grai, kong pơlê Gia Lai, ai kơxo# hdrông kuăn ngo châ 72% [ă tâi tâng tung kơxo# 1 rơpâu 100 rơpo\ng, kơxo# rơpo\ng kơtiê ối lối 15%. Tơdroăng rêh ối dêi kuăn pơlê ki xiâm cho pêi chiâk pêi deăng, mê ối trâm hên xahpá, tơdroăng cheăng kâ hrá mơnhông tơtêk. Hdrê loăng pêt ki xiâm cho plâi hôt, kơxu [ă pôm loăng. Sap ing tơdroăng pơkâ dêi tơnêi têa ‘na mơjiâng thôn pơlê nếo châ tối tơbleăng, Đảng uỷ, khu kăn pơkuâ cheăm mâlối tơtro\ng khât troh hnoăng cheăng tối tơbleăng mơhnhôk kuăn pơlê kơhnâ veăng mơjiâng thôn pơlê nếo [ă mơnhông mơdêk cheăng kâ a mâu pơlê, cheăm pro tơ’lêi hlâu kum vâi krâ nho\ng o hơ’lêh túa pêt hdrê loăng, mơnăn păn, xúa mâu tơdroăng ki rơkê ple#ng dêi khoa hok hok kih thua#t tung pêi chiâk pêi vâ kum mơdêk tơdroăng rêh ối ăm kuăn pơlê, rơtế [ă tuăm hiâm mơmeăm tơkâ hluâ, hlê ple#ng, kơhnâ dêi rêm ngế kuăn pơlê hiăng kum mơdêk cheăng kâ rêh ối dêi cheăm rế mơnhông mơdêk.

Mơjiâng thôn pơlế nếo a cheăng tơkăng gá xahpá khât, malối cho mơhnhôk tơdroăng ki veăng to\ng kum liăn ing kuăn pơlê poâ Siu Nghiệp, kăn pho\ hnê ngăn Vi[an cheăm Ia O, ăm ‘nâi. Poâ Siu Nghiệp ăm ‘nâi tơ’nôm, cheăm ai 9 pơlê rơhngế ing tíu xiâm cheăm má môi lối 10 km, pơ’leăng mâ mơngế rêh ối tơprâ tởpu\ng tung lâp cheăm ki rơdâ, tơdroăng cheăng kâ dêi mâu kuăn pơlê ối hrá tơtêk mê tơdroăng ki mơhnhôk kuăn pơlê veăng tơlo liăn vâ mơjiâng troăng prôk tung thôn pơlê tiu túa ’’Tơnêi têa [ă kuăn pơlê rơtế pêi’ ôh tá kâi mơhnhôk châ. Phá xêh troăng mot tung klâng gá tơpá khât tâ xua kuăn pơlê ki hên cho pêi chêk pêi deăng tơnêi tơníu hngế. Mâu tơdroăng pơkâ ki ê tung cheăm xuân trâm ôh tá iâ tơdroăng ki xahpá [ă xuân tơpá pêi pro châ môi tiah: hngêi trung hriâm pêi châ tiu tơdroăng pơkâ, kơxo# rơpo\ng kơtiê, pêi lo liăn rêm ko mơngế tung môi hơnăm, hngêi ối dêi kuăn pơlê.

Hlo tơdroăng ki tơpá mê, mâu khu râ kăn Đảng, khu kăn pơkuâ cheăm Ia O hiăng kơhnâ khât tối tơbleăng trâu hngế ‘na tơdroăng ki xiâm, ki pơxúa dêi Tơdroăng mơjiâng thôn pơlê nếo vâ kuăn pơlê ‘nâi ple#ng veăng. Cheăm xuân hiăng mơhnhôk ivá cheăng dêi tá mâu tơdroăng kal kí [ă kuăn pơlê tơku\m tung mơjiâng thôn pơlê nếo, pêi pro to\ng kum tâi tâng kơxo# liăn ‘no cheăng dêi Chin phuh, kong pơlê [ă tơring vâ mơjiâng thôn pơlê nếo, cheăm hiăng pêi châ 8 tung 19 tơdroăng pơkâ. Tâng môi tiah hơnăm 2010 troăng prôk tung thôn pơlê bu ai dâng 3 km troăng tôh chá kơxu mê nốkố hiăng ai lối 8,5 km mâu rơchoâ, hno têa, hngêi trung hriâm, hngêi pơkeăng cheăm, on tơhrik tơnêi têa châ mơjiâng, ‘mâi rơnêu, kum mơdêk pêi chêk pêi deăng kế tơmeăm, tê mơdró [ă mơdêk tơdroăng rêh ối mơhno mơjiâng túa le#m tro dêi kuăn pơlê.

Vâ kum kuăn pơlê mơnhông mơdêk tung pêi cheăng kâ, cheăm Ia O kơhnâ khât kum kuăn pơlê pơhlêh hdrê pêt, mơnăn păn. Tâi tâng tơnêi deăng ki mơdâ pêt mâu hdrê loăng ton hơnăm lối 700 ha môi tiah kơxu, kơphế, plâi liăn [ă hên hdrê loăng ki ê. Kố cho mâu hdrê loăng pêt ki kơnía ‘na cheăng kâ, kum kuăn pơlê hlu\n ing kơtiê môi tiah hnối mơeăm pro kro mơdro\ng krá tơniăn teăng ăm mâu hdrê loăng pêt môi tiah báu, prá alâi, pôm. Pák^ng mê, tung cheăm kố ai ai Ko\ng ti 74,75, 715 ối tung Binh đoân 15 hiăng kum tơ’lêi hlâu ăm kuăn pơlê tung cheăm ai cheăng pêi, pêi lo liăn tơniăn. Pák^ng tơdroăng ki kum kuăn pơlê kơhnâ hơ’lêh hdrê pêt, mâu kơpôu ro chu í peâp dêi cheăm rế hía rế hơ’lêh tiu ki ai hơ’nêh hên, lai hơ’lêh mâu ro. Tâi tâng mâu kơpôu ro chu í peâp tung cheăm châ lối 14 rơpâu 200 to, tâk 109 % tâng pơchông [ă hơnăm 2013. Kơxo# rơpo\ng kơtiê chu kơdroh sap ing 33% a hơnăm 2010 chu ối 15% a hơnăm 2014, pêi lo liăn ngân tiu ko mâu ngế châ 8 rơtuh môi ngế tung môi hơnăm, tâk 2 rơtuh 300 rơpâu liăn môi ngế tung môi hơnăm tâng vâ chông [ă hơnăm 2010. Kố cho mâu tơdroăng ki vâ mơhno tối ăm tơdroăng ki hơ’lêh dêi kuăn pơlê kơpong tơkăng kong veăng kum rơtế [ă khu kăn pơkuâ tơring, cheăm mơjiâng cheăm kơpong tơkăng kong mơnhông mơdêk cheăng kâ rêh ối krá tơniăn, rak vế tơdroăng ki kring tơniăn tíu tơkăng kong.

Katarina Nga tơplôu