VOV4.Sêdang - Hâi lơ 25/10, kong pơlê Lâm Đồng tối ai 6 ngế tâ pơreăng Covid-19 ki nếo. Tung mê, ai 4 ngế pro tâ tú nếo châ ’nâi a tung kuăn pơlê a pơlê kong kơdrâm Đà Lạt.

Klêi séa ngăn roh apoăng, kơ koan khu râ pơkuâ cheăng kong pơlê Lâm Dồng  mơnhên xiâm ki pro tâ tú 4 ngế xuân ing mơngế ki lo ing pơlê kong kân Hồ Chí Minh troh a Đà Lạt ƀă mung ối a hngêi ăm tơmối kâ koi ối pơtê.

Đà Lạt: châ ‘nâi ai tíu xiâm tâ pơreăng Covid-19 ki nếo ing hngêi ăm tơmối kâ koi ối pơtê

Khu xiâm ngăn pơkeăng kong pơlê Lâm Đồng hiăng thâ tơbleăng tơdrêng kơxô̆ 71 vâ tăng mâu ngế ki ai mâ a lối 10 tíu ki tơdjâk nhôm tơ’lêi tâ tú, tung mê ai mâu tíu ối pơtê, kơchô, quăn ôu kâ, kuăn ôu kơphế, ôu têa chếi ai têa tôu ro tíu tê pơkeăng pŭm  ƀă tíu tê tơmeăm. Tơdrêng ƀă Tíu tâ tú ki nếo mê, kong pơlê Lâm Đồng dế séa ngăn, tăng xiâm ki tơdjâk 19 tíu tâ tú cơvid-19 ki ê. Nôkố Lâm Đồng tối ai taia tâng 409 ngế tâ Covid-19 , tung mê ai 313 ngế hiăng châ pơlât prêi ƀă hiăng lo ing hngêi pơkeăng.

Gương tơplôu ƀă tơbleăng