Sap ing nah, têa hmâ ôu hum rôh jíu dêi rơpo\ng pôa Nguyễn Văn Tuấn, ối a thôn Trạm Hành 1, cheăm Trạm Hành, pơlê kong kơdrâm Đà Lạt, kong pơlê Lâm Đồng pơrá kui xo ing têa klôh. Mơhé ‘nâi têa mo\ng kố tro ‘mêi, ai eâk krêng, ôh tá tơniăn krúa le\m, laga rơpo\ng pôa xuân ối mơ-eăm xúa, xua ôh tá ‘nâi xo têa ulâi vâ xúa. Pôa Nguyễn Văn Tuấn, tối ăm ‘nâi:

‘’Kuăn pơlê ngin akố kal têa. Nôkố kơnho\ng têa akố tro ‘mêi hiăng 80%, 10 to klôh têa mê hiăng ai 8 to klôh têa tro ‘mêi. Khu kăn kơpêng pro ti lâi re\ng tăng têa ôu hum rôh jíu ki krúa vâ kuăn pơlê kơdroh pá puât’’.

Cheăm Trạm Hành ai 1.200 rơpo\ng, [a\ lối 4.000 pơ’leăng mâ mơngế, tung mê ai lối 500 rơpo\ng kuăn pơlê ối tung 2 thôn Trạm Hành 1 [a\ 2 đi đo ôh tá bê têa ôu hum roh xua têa mo\ng tung têa klôh akố tro ‘mêi, ai eâk krêng. Vâ tăng têa ôu hum rôh jiếo krúa le\m ăm kuăn pơlê, apoăng hơnăm kố, kong pơlê Lâm Đồng ăm phêp mơjiâng pro tíu kơdoăng têa krúa xua Chin phuh Đan Mạch to\ng kum 2 to thôn kố.

Pôa Nguyễn Văn Châu, Kăn pơkuâ thôn Trạm Hành 2 tối ăm ‘nâi, troăng klo\ng têa hiăng klêi tơdjêp troh a mâu rơpo\ng sap khế 7 hdrối, kuăn pơlê tơngah re\ng ai têa krúa vâ xúa, laga troh nôkố xuân tá hâi ai têa vâ xúa. Kuăn pơlê tô tuăn, pâ thế mê châ mâu kơ koan cheăng tối:

‘’Drêng krâ ‘măn klo\ng, hlo tá hâi ai têa hiu troh mê vâi kl^ng tât troăng têa. Kơ koan cheăng tối, la lâi klêi mơjiâng pro troăng mê nếo mơ’no têa’’.

Tơdrêng amê, tiô pôa Nguyễn Văn Thắng, Kăn hnê ngăn Vi [an cheăm Trạm Hành, pơlê kong kơdrâm Đà Lạt, cho môi to cheăm châ mơnhên tro tiô pơkâ thôn pơlê nếo, laga ôh tá bê têa krúa vâ ôu hum rôh, cho tơdroăng ôh tá tro ‘ló. Xua mê, khu kăn pơkuâ cheăm, pơlê kong kơdrâm hiăng ai mơ-éa pơkâ thế Ko\ng ti hrik chuâ têa krúa kong pơlê Lâm Đồng re\ng tơmâng tơleăng tơdroăng kố:

‘’Tung pơlê cheăm Trạm Hành ki hên kuăn pơlê ôh tá bê têa vâ xúa. Vi [an cheăm, pơlê kong kơdrâm xuân ai mơ-éa pơkâ thế Ko\ng ti hrik chuâ têa krúa kong pơlê Lâm Đồng re\ng ai troăng hơlâ, ai mâu tơdroăng pơkâ re\ng tăng chiâk hrik chuâ têa krúa, to\ng kum vâ kuăn pơlê bê têa krúa ôu hum roh jiếo rêm hâi.

A Sa Ly tơplôu [ă tơbleăng