VOV4.Sêdang - Tiô kơxô̆ riân ngăn dêi Khu xiâm ngăn pơkeăng ƀă khăm pơlât kong pơlê Dak Lak, tung tâi tâng 325 ngế tâ COVID-19 ki hiăng prêi lo ing hngêi pơkeăng tung pơla hdrối kố nah, ai 20 ngế vêh tâ tú nếo. 20 ngế ki vêh yương tĭnh ƀă SARS –CoV-2 châ ‘nâi a pơlê kong kơdrâm Ƀuôn Ma Thuột  ƀă 5 tơring cho Ƀuôn Đôn, Ea Hleo, Krông Bông, Čư Kuin ƀă Ea Kar. Tung mê, tơring Čư Kuin ai hên kơxô̆ mơngế vêh yương tĭnh ai 5 ngế. Ki vâ tối, tung kơxô̆ ki mê ai 1 ngế a cheăm Ea Wer, tơring Ƀuôn Đôn châ tối vêh yương tĭnh tâ tú ing môi ngế pú hmâ tung rơpŏng hngêi.

Ƀok thái pơkeăng Châu Đương, Ngế pơkuâ Hngêi pơkeăng pơlât kơ-o hiăn ƀă êi xôu kong pơlê Dak Lak ăm ‘nâi, tiô hnê mơhno dêi Khu xiâm ngăn pơkeăng pơlât, mâu ngế ki mê khăm ngăn cho mâu ki yương tĭnh tung châ ai hên virus, tơ’lêi tâ tú troh tung kuăn pơlê, kô kơnôm a Khu xiâm ngăn pơkeăng pơtối pơlât ƀă klâ krê tro tiô pơkâ.

Gương tơplôu ƀă tơbleăng