VOV4.Sêdang - Pôa Trịnh Quang Trí, Ngế pơkuâ Tíu xiâm séa ngăn mơdât pơreăng kong pơlê Dak Lak ăm ‘nâi, 56 ngế F1 dêi ngế ki tâ pơreăng kơxô̆ má 15921 a Dak Lak hiăng ăm ‘nâi klêi khăm ngăn mơheăm rôh má 1 âm tính ƀă SARS-CoV-2.  Ngế kơxô̆ má 15921 châ ‘nâi tung kong pơlê Dak Lak  a hâi lơ 28/6, châ ing Pơlê kong kân Hồ Chí Minh vêh a kong pơlê Dak Lak. Tơdjâk ƀă ngế ki tâ pơreăng mê, rôh apoăng, kơvâ ngăn pơkeăng hiăng tơrŭm ƀă mâu kăn cheăm tơring kong pơlê tăng, vâ ‘nâi nhên ai 56 ngế ki ối achê ƀă ngế F1, mê ai: 28 ngế cho nhŏng o, hdrông hdrê, nhŏng o tung pơlê, 4 ngế kăn ƀô̆ ngăn pơkeăng; 20 ngế tơmối ki rơtế to tung môi toăng rơxế lo ing Pơlê kong kân Hồ Chí Minh vêh ngi Dak Lak; 4 ngế ối tơchoâm tung hngêi a cheăm Vĩnh Lộc A, tơring Bình Chánh, Pơlê kong kân Hồ Chí Minh.

Troh nôkố, tâi tâng 56 ngế nếo tối mê xuân hiăng châ klâ ối krê tơchoâm ƀă khăm xo mơheăm ngăn vâ ‘nâi hôm tâ SARS-CoV-2, la klêi mơnúa ngăn mơheăm rôh má 1 mê ăm hlo âm tính.

Gương tơplôu ƀă tơbleăng