VOV4.Sêdang - Hâi lơ 25/10, kong pơlê Dak Lak ai tơ’nôm 167 ngế tâ SARS – Cov-2, tung mê tơring Lak ai kơxô̆ ngế tâ hên má môi ƀă 53 ngế, pơlê kong kơdrâm Ƀuôn Ma Thuột ai 52 ngế, Krông Ƀuk ai 28 ngế, Krông Ana ai 26 ngế. Pơlê kong kơdrâm Ƀuôn Ma Thuột xuân hlo ai hên ngế ki tâ pơreăng tung pơlê pơla.Krê tung hâi lơ 25/10 ai troh 42 ngế tâ SARS – Cov-2 a mâu kơpong kuăn pơlê rêh ối.

Dak Lak ai tơ’nôm 167 ngế tâ SAR-Cov-2

Tiô ƀok thái pơkeăng Trịnh Quang Trí, kăn pơkuâ Tíu xiâm Séa ngăn châi tamo kong pơlê Dak Lak CDC Dak Lak, mâu ngế ki tâ pơreăng mê ki hên ai tơdjâk troh mâu pơreăng sap ing mâu kuăn pơlê ki vêh sap ing kơpong ki ai pơreăng mâu kong pơlê peăng hdroh. Kơvâ ngăn pơkeăng dế séa ngăn, test rĕng ăm lối rơpâu ngế vâ ‘nâi F0 tung pơlê pơla, ví pơreăng tâ tú.

Katarina Nga tơplôu ƀă tơbleăng