VOV4.Sêdang - Tơdroăng ăm ‘nâi sap ing Khu hnê mơhno cheăng hbrâ mơdât pơreăng COVID-19 kong pơlê Dak Lak, kơxê hâi lơ 19/7, kong pơlê kố ai tơ’nôm 6 ngế yương tĭnh ƀă SARS-CoV-2 a pơlê kong kơdrâm Ƀuôn Ma Thuột ƀă tơring Ea Hleo, Čư̆ Kuin, Krông Pač. Tơring Ea Hleo ai tơ’nôm 3 ngế, pơrá cho F1 dêi ngoh Q.C.T, prếi nâ L.T.H, rơtế ối a thôn 2B, cheăm Ea Hleo, tơring Ea Hleo hiăng châ kơvâ ngăn pơkeăng ƀă khăm pơlât Dak Lak mơnhên yương tĭnh ƀă SARS-CoV-2 apoăng chôu kơxê, cho ngế tung môi rơpŏng ƀă rơpŏng on veăng ngoh T prếi nâ H.

Dak Lak ai tơ’nôm 6 ngế yương tĭnh SARS-CoV-2

Tíu ki ai pơreăng nếo châ ‘nâi a kơxê lơ 19/7 ai pơreăng tơdjâk troh kong pơlê Bình Dương, cho tơdroăng ki nâ H.K.A, kot mâ hơnăm 1996 a thôn Thạch Lũ, cheăm Ea Yông, tơring Krông Pač. Nâ A, ối a chưng cư An Bình, bêng An Bình, pơlê kong kơdrâm Dĩ An, kong pơlê Bình Dương. Klêi kơ’nâi ‘nâi tơdroăng, kơvâ ngăn pơkeăng ƀă khăm pơlât Dak Lak hiăng tơrŭm ƀă mâu tơring, cheăm vâ tí tăng mâu ngế ki ối achê ƀă nâ A tung pơla nâ lo sap ing Bình Dương vêh Dak Lak; xôh pơkeăng kơdê pơreăng a Tíu khăm pơlât cheăm Ea Yông (Krông Pač, Dak Lak).

Katarina Nga tơplôu ƀă tơbleăng