VOV4.Sêdang - Kăn xiâm ngăn pơkeăng ƀă khăm pơlât kong pơlê Dak Lak ăm ‘nâi, kong pơlê kố nếo ai tơ’nôm môi ngế nếo yương tĭnh ƀă SARS –CoV-2  tơdjâk troh tíu tâ tú pơreăng Pơlê kong kân Hồ Chí Minh. Ngế ki kố cho ngoh Đ.H.Đ, kot mâ hơnăm 1993, ối a thôn Ea Duất, cheăm Ea Wer, tơring Ƀuôn Đôn, kong pơlê Dak Lak.

Test rê̆ng a tíu gâk mơdât pơreăng a cheăm Hòa Phú - Ƀuôn Ma Thuột - Dak Lak

Ngoh Đ.H.Đ cho ngế kŏng nhân cheăng a kŏng ti in ki lía Quảng Huy, tíu ối a: 894, troăng kân 1A, bêng Bình Trị Đông A, pơlê krâm  Bình Tân,  pơlê kong kân Hồ Chí Minh. Nôkố kơvâ ngăn pơkeăng Dak Lak hiăng klâ krê ƀă khăm ngăn mơheăm ƀă 18 ngế ki F1 achê ƀă ngoh Đ. Kố cho mâu ngế ki trâm ngoh Đ. a pơla ngoh lăm troh a hngêi pơkeăng tơbleăng tối dêi tơná ƀă Test rĕng. Hngêi pơkeăng tơring Ƀuôn Đôn xuân hiăng xôh pơkeăng kơdê pơreăng  a kơpong hngêi ngoh Đ. ƀă hngêi pơkeăng cheăm Ea Wer.

Gương tơplôu ƀă tơbleăng