VOV4.Sêdang - Tiô tơbleăng dêi Tíu xiâm Mơdât pơreăng kong pơlê Dak Lak, a pơlê kong krâm Ƀuôn Hồ nếo châ hlo 8 ngế yương tĭnh ƀă SARS-CoV-2, tung mê ai khu ngế nếo tro tâ pơreăng cho 7 ngế. Tung kơxô̆ 8 ngế nếo châ hlo ai 6 ngế pơrá ối a 15 Âu Cơ, bêng Đoàn Kết ƀă 1 ngế ối a 110 Nguyễn Tất Thành, bêng An Bình. Mâu ngế ki kố rơtế tro pơreăng tơdjâk 1 ngế tro tâ pơreăng a rơtế bêng An Bình.

Môi tíu kâng kơxái mơdât ôh tá ăm mot lo pakong a pơlê krâm Ƀuôn Hồ tơdjâk troh khu ngế tro tâ pơreăng

Mâu ngế tro tâ pơreăng ki ê cho ngế vê rơxế pơto tơmeăm, ối a bêng Thiện An, tá hâi ‘nâi nhên xiâm kối. Tiô séa ngăn, tung 8 ngế tro tâ pơreăng, ai mâu ngế tro tâ pơreăng ai prôk troh mâu tíu kơdrâm mơngế môi tiah kơchơ pơlê kong krâm Ƀuôn Hồ, hngêi arak liăn. Krê ngế tro tâ pơreăng cho ngế vê rơxế pơto tơmeăm lăm pơcháu tơmeăm a hên tíu a pơlê kong krâm Ƀuôn Hồ, hluâ hên kong pơlê môi tiah Khánh Hòa, Bình Phước, Gia Lai.

A Sa Ly tơplôu ƀă tơbleăng