VOV4.Sêdang - Tơdroăng ing Khu hnê mơhno hbrâ mơdât COVID 19 kong pơlê Dak Lak, tung hâi lơ 28/7, châ hlo tơ’nôm 37 ngế yương tĭnh ƀă SARS-CoV2, mơdêk kơxô̆ mơngế tro tâ pơreăng a Dak Lak tâk 178 ngế. Tung tâi tâng kơxô̆ 37 ngế nếo yương tĭnh ƀă SARS – CoV2 châ hlo ai 28 ngế châ hlo tung kơpong klâ kơtăn, kâng kơxái tât ôh tá mot lo.

Dak Lak châ hlo tơ’nôm 37 ngế yương tĭnh ƀă SARS-CoV2

Vâi cho mơngế tâ tú pơreăng hiăng châ mơnhên hdrối mê a pơlê kong kơdrâm Ƀuôn Ma Thuột ƀă mâu tơring Čư Kuin, Krông Bông ƀă Krông Năng. 9 ngế ki ê cho mâu ngế tro tâ pơreăng châ hlo tung pơlê pơla ai tơdjâk pơreăng ing Pơlê kong kân Hồ Chí Minh ƀă kong pơlê Bình Dương.

Tiah mê, xêo troh 17h hâi lơ 28/7, kong pơlê Dak Lak hiăng châ hlo 178 ngế, a 15/15 tơring, pơlê krâm, pơlê kong kơdrâm, tung mê ai 7 ngế châ pơlât prêi ƀă lo hngêi pơkeăng.

A Sa Ly tơplôu ƀă tơbleăng